Luke 4:8 - Bible Ni Thothup

⁸ Me fulweg Jesus ngak ni ga’ar, “Fare babyor nib thothup e be ga’ar, ‘Mu siro’ ma ga meybil ngak Somol ni Got rom ma yigo ir e ngam pigpig ngak!’ ”

Luke 4:8 Iomraidhean Croise

2 Kings 19:15

me meybil ni ga’ar, “SOMOL, ni Got rok yu Israel, ni ga bay u tagil’im ngalang ko kerubim, kemus ni gur e Got ni ga be gagiyegnag urngin e nam nu fayleng. Gur e mu sunumeg e fayleng nge tharmiy.

Psalms 83:18

Mang e yugur nanged ni kemus ni gur e SOMOL, ni gur fare tagagiyeg Nib Th’abi Tolang u polo’ e fayleng.

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Matthew 16:23

Me cheal Jesus u luwan nge yog ngak Peter ni ga’ar, “Satan, mu chuw rog! Ya kam dibchay u kanawo’ rog, ya leam ni ga be tay e leam rok e girdi’, ma gathi leam rok Got.”

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Luke 4:4

Me fulweg Jesus ni ga’ar, “Fare babyor nib thothup e be ga’ar, ‘Girdi’ e dabiyag ni yigo’o flowa e ra i kay mi i par nib fos.’ ”

Luke 4:7

Urngin e pin’ey mra mil suwon ngom ni fa’anra mu ragbug nga but’ u p’eowcheg.”

Deuteronomy 10:20

Ngu’um pired ni bay madgun SOMOL ni Got romed u wun’med ma kemus ni ir e ngu’um liyorgad ngak. Ma gimed be par ni gimed ba yul’yul’ ngak ma kemus ni fithingan e ngu’um micheged bbugithin ngay.

Deuteronomy 6:13

Kemus ni SOMOL ni Got romed e ngu’um pired ni bay madgun u wun’med; kemus ni ir e ngu’um liyorgad ngak, ma kemus ni go’ fithingan e ngam mowgad ngay.

James 4:7

Ere mpi’ed gimed nga pa’ Got ngam paged famed ngak. Mi gimed togopluw ngak fare mo’onyan’, me mil romed.

1 Peter 5:9

Ere um pired nib muduwgil e michan’ romed ngak Kristus mi gimed togopluw ngak fare mo’onyan’, ya gimed manang ni pi’in yad be par u roy u fayleng ni polo’ ni Kristus e ke michan’rad ngak e gafgow ni be yib ngomed e ku ir e be yib ngorad.

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 22:9

Machane me ga’ar ngog, “Dab mu rin’! Ya gadow l’agruw ma tapigpig, ma ta’reb rogog ngak pi walagem ni aram fapi profet, nge urngin e pi’in yad be fol ko thin ni bay u lan e re ke babyor ney! Ere mu siro’ ma ga meybil ngak Got!”

1 Samuel 7:3

Me ga’ar Samuel ngak e girdi’ nu Israel, “Fa’an gimed ra sul ngak SOMOL u polo’ i lanin’med, ma thingar mu paged gubin e pi got rok yug boch e nam nge fapi liyos ni ya’an fare got ni Astarte fithingan. Mpi’ed gimed nib polo’ ngak SOMOL me par ni go ir e gimed be liyor ngak, ma aram e ra chuwegmed u tan pa’ e pi Filistine.”