Luke 4:41 - Bible Ni Thothup

⁴¹ Ma ku errogon e mo’onyan’ nra chuwgad u fithik’ bo’or e girdi’, ni ra tolulgad miyad chuw u fithik’rad ni be lungurad, “I gur fa’anem ni Fak Got gur!” Me yog Jesus ngorad ni ngar th’abed gulungrad, ma daki pagrad ni ngar nonod, ya yad manang ni ir fare Messiah.

Luke 4:41 Iomraidhean Croise

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”

Matthew 8:16

Ma fa’ani neap’, min fek i yib ngak Jesus e girdi’ ni pire’ nike ying e mo’onyan’ ngorad. Me tuluf Jesus fapi mo’onyan’ nga ta’ab bugithin ngar chuwgad rok fa pi’in kar yinggad ngorad, me golnag urngin e pi’in yad bm’ar.

Matthew 8:29

Ka chingiyal’ nem miyow tolul ni be lungurow, “Fak Got, mang e kam finey ni ngam rin’ ngomow? Ka mub ni ngam gechig nagmow u m’on ko ngiyal’ ni bay ni gechig nagmow riy?”

Matthew 8:4

Ma aram me ga’ar Jesus ngak, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy, ma ga pi’ fare maligach ni fa’ani yog Moses, ni ir e nge mang mich rom ngak urngin e girdi’ ndakuriy e daraw rom e chiney.”

Mark 1:25

Me non Jesus ngak fare mo’onyan’ ni ga’ar, “Mu th’ab gulungam, nga mub u fithik’ i downgin e cha’nir nga but’!”

Mark 1:32

Ma nap’an nike aw e lumor me fek e girdi’ urngin e pi’in yad mm’ar nge pi’in ke ying e mo’onyan’ ngorad i yib ngak Jesus:

Mark 1:34

Pire’ e girdi’ nib m’ar ni bo’or mit e liliy ni bay rorad ni gol nagrad Jesus, ma bpire’ e mo’onyan’ ni tuluf ngar chuwgad rok e pi’in ke ying e mo’onyan’ ngorad. Ma de pag Jesus fapi mo’onyan’ ni ngrogned ban’en, ya yad manang ko ir mini’.

Mark 3:11

Ma gubin ngiyal’ ni yad ra mada’ e pi’in ke ying e mo’onyan’ ngorad miyad paraw u p’eowchen nga but’ miyad tolulnag ni be lungurad, “I gur fa en ni Fak Got gur!”

Luke 4:39

Me yan Jesus i sak’iy nga to’oben e bet rok, me non ngak fare gowel ni bay u daken fa’anem ni nge chuw. Me chuw e gowel u daken me suwon ngalang ni kachingiyal’ nem, me tabab fare pin i ayuwegrad ko tin ni nge yag ngorad.

John 20:31

Tiney e kan yoloy ni bochan e nge yag ni mich u wun’med ni Jesus e ir fare Messiah, ni fa’anem ni Fak Got, ni aram e u daken e re michan’ ney e ir e rayag e yafos riy ngomed u fithingan.

James 2:19

Mog, mmich u wun’um nri ta’reb e Got ni bay? Bfel’! Ku errogon e pi mo’onyan’ nib mich u wun’rad — ma yad ma da’da’ ko marus.