Luke 4:23 - Bible Ni Thothup

²³ Me yog ngorad ni ga’ar, “Gu manang ni bay mogned fare bugithin ngog ni fa’ani ga’ar, ‘Togta, mu gol nigem ko liliy.’ Ma bay kumoged ngog ni ngkug rin’ u roy u lan e binaw rog e pin’en ni kam rung’aged ni kug rin’ u Kapernaum.”

Luke 4:23 Iomraidhean Croise

Matthew 13:54

me sul ko binaw rok. Me machib u lan tafen e mu’ulung rorad, ma pi’in nra motoyilgad ko n’en ni be yog e ra ngatgad ngak. Miyad fith ni be lungurad, “U uw e fek e llowan’ riy ni aram rogon? Ma be di’in ma be yag ni nge ngongliy e maang’ang?

Matthew 4:13

Ma de par u Nazareth, machane me yan i par nga Kapernaum, nib binaw ni bay u to’oben e lipath nu Galile, ni bay u lan e nug nu Zebulun nge Naftali.

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

Mark 6:1

Me ere chuw Jesus u rom nge sul ko binaw rok, ni yad pi gachalpen.

Luke 2:39

Fa’anra mu’gow i rin’ urngin e tin keyog e motochiyel rok Somol ni ngan rin’, miyow sul ko binaw rorow nga Nazareth ni bay u lan yu Galile.

Luke 2:51

Ma aram me un Jesus ngorow ngar sulod nga Nazareth, mi i par ni be fol rorow. Me tay e chitiningin urngin e pin’em nga laniyan’.

Luke 4:16

Me ere sul Jesus nga Nazareth ko gin ni ir e nchuguluy riy nge ilal, me chirofen ni Sabbath me yan ngalan tafen e mu’ulung ni bod nma rin’. Me sak’iy ngalang ni nge be’eg fare babyor nib thothup,

Luke 4:31

Ma aram me yan Jesus nga Kapernaum, nib binaw ni bay u lan yu Galile, ni aram e gin ni machibnag e girdi’ riy ko chirofen ni Sabbath.

Luke 4:35

Me non Jesus ngak fare mo’onyan’ ni ga’ar, “Mu th’ab gulungam, nga mub u fithik’ i downgin e cha’nir nga but’!” Me pingeg fare mo’onyan’ fare mo’on nge aw nga but’ u p’eowcherad ni yad gubin, me chuw u fithik’ fa’anem nde maad’adnag.

Luke 6:42

Ere ra di’in me lungum ngak walagem, Mu son, nggu chuweg e re tabyu’ ni be’er u lan owchem, machane damur guy fare ley i gek’iy ni bay u lan owchem? Ere gur e cha’ ni ga be dake modingnigem! Som’on e ngam chuweg fare ley i gek’iy u lan owchem, nge mu’ ma aram e rayag ni mu guy ban’en ngam chuweg fare tabyu’ ni bay u lan owchen be’ ni walagem.”

John 4:28

Me digey fare pin e rume’ rok, me sul ngalan binaw, me ga’ar ngak e girdi’ u rom,

2 Korinth 5:16

Ere dab kud dugliyed rogon be’ u lanin’dad nrogon nma rin’ e girdi’. Yugu ra ka’ad leam niged murung’agen Kristus u ba ngiyal’ ni bod rogon nma leamnag e girdi’ murung’agen ban’en, ma dab kud rin’ed e chiney ni aram rogon.