Luke 4:22 - Bible Ni Thothup

²² Ma gubin e girdi’ ni immoy u rom e rogned e sorok ngak, miyad gin ko pi thin nem ni bfel’ nike weliy ngorad. Me lungurad, “Gathi ireray fa’anem ni fak Josef?”

Luke 4:22 Iomraidhean Croise

Psalms 45:2

Gur e th’abi picho’ay u fithik’ e pumo’on; ma ri ga ba salap ko welthin. Gubin ngiyal’ ni be tow’ath nigem Got.

Psalms 45:4

Mman u fanam falu’ ngam gel ni fan ko tin riyul’ nge tin bmat’aw gelngim e ra i gel nigem ko pi mael!

Proverbs 10:32

Girdi’ ni mat’aw e yad manang ko mang e ngroged ni bfel’, ma pi’in kireb e urngin ngiyal’ ma welthin rorad e ma amithnag lanin’uy.

Proverbs 16:21

Be’ nib gonop ma ke ilal lanyan’ e yira nang u rogon feni tamilngan’ u ban’en. Ya feni fel’ e thin rok, e aram feni be m’agan’uy ko tin be weliy.

Proverbs 25:11

Ba tafinay nni weliy ni bfel’ rogon nge tamilangan’uy riy e bod rogon e gol ni ka ni ngongliy ni bfel’ ya’an ka ni ayliy nga daken e silber.

Eklesiastes 10:12

N’en nma yog be’ nib gonop e ra ga’nag bugwan, machane be’ nib balyang e ra kirebnag ir ko thin rok.

Tang Ko Pitang 5:16

Rib athib l’ugun ni yira kiss nag; gubin ban’en ni rarogon ma kagum’ ni bochan. Ppin nu Jerusalem, irera’ rogon e en gamareg.

Isaiah 50:4

SOMOL ni Th’abi Tolang e fil ngog e n’en nggog, ya nge yag ni gu pi’ e athamgil nga laniyan’ e pi’in ke mulan’rad. Gubin e kadbul nma pasignag lanin’ug ni nggu motoyil ko n’en ni nge fil ngog.

Luke 2:47

Ma urngin e girdi’ ni ur motoyilgad ngak e ra gin gad nga feni llowan’ ko thin ni ur fithed ngak ngi i fulweg.

Luke 2:48

Ma gallibthir rok e fa’anra guyew miyow gin ngak, me ga’ar e chitiningin ngak, “Fakag, mang ni kam rin’ e biney e pa’ ngomow? Gamow be gayem e chitamam ni kar gu rusgow.”

Luke 21:15

ya bay gu pi’ e thin ni nga mogned nge gonop romed ndariy reb e pi to’ogor romed nrayag rok ni nge togopluw ngay ara yog nde riyul’.

Luke 4:21

Me tabab ko welthin ngorad ni ga’ar, “Fare gin’en ni kad be’eged u lan e babyor nib thothup e ke yib i m’ug nib riyul’ e bin daba’ e rran, ni bod rogon ni kug be’eg kam rung’aged.”

John 1:45

Ma aram me pir’eg Filip Nathanael me yog ngak ni ga’ar, “Kug pir’egew fa’anem ni yoloy Moses murung’agen ngalan fare ke babyor ko Motochiyel, ni ku ir fa en ni ki yoloy fapi profet murung’agen. I ir Jesus, ni fak Josef nu Nazareth.”

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 7:46

Me fulweg fapi girdi’en e matanag ni lungurad, “Dariy be’ ni ka’a welthin ni bod rogon e re mo’on nem!”

Acts 6:10

Machane me pi’ fare Kan Nthothup e gonop ngak Stefen, ya fa’ani welthin Stefen, ma dakiyag ni ngar togopluwgad ngak.

Titus 2:8

Mu welthin ni bfel’ rogon ndabiyag ni nge tay be’ thibngim, nge mang e pi’in yad e to’ogor rom e ra tamra’gad ni fan e dariy ban’en nib kireb nrayag ni ngrogned ni murung’agdad.