Luke 3:33 - Bible Ni Thothup

³³ mi Amminadab e chitamngin Nahshon, mi Admin e chitamngin Amminadab, mi Arni e chitamngin Admin, mi Hezron e chitamngin Arni, mi Perez e chitamngin Hezron, mi Judah e chitamngin Perez,

Luke 3:33 Iomraidhean Croise

Genesis 29:35

Me diyen nge gargel bayay ni ku reb e pagel. Me ga’ar, “Yaney e nggu pining e magaer nge sorok ngak SOMOL”; me tunguy fithingan ni Judah. Me tal ndaki diyen.

Genesis 38:29

Machane me girengiy fare tir pa’ nge fulweg, me mang en ni ba’aram ni walagen e ir e aw ni som’on. Ma aram me ga’ar fare yarif, “Ara’ rogon ni kam for nga tamilang!” Me’ere ntunguy fithingan fachi pagel ni Perez.

Genesis 46:12

Nge Judah nge pifak ni pumo’on: Shelah, Perez nge Zerah. (Fagal ni baaram e bitir rok Judah, ni Er nge Onan e karm’ow u Kanaan.) Ma pumo’on ni fak Perez e Hezron nge Hamul.

Genesis 49:8

“Judah, pi walagem ni pumo’on e bay ra pininged e sorok ngom. Bay mu kol k’angan e pi to’ogor rom; ma pi walagem ni pumo’on e bay ra siro’gad ngom.

1 Kronicles 9:4

Immoy 690 e tabnaw nu lan fare ganong rok Judah ni ur pired u lan yu Jerusalem. Pi’in owchen Perez nib mo’on ni fak Judah e Uthai e ir e ma yog e thin rorad, ni be’ nib mo’on ni fak Ammihud ma Omri e tutuw rok. Ma ku boch e pi ga’ rok kakrom e bmu’un Imri nge Bani ngay. Pi’in owchen Shelah ni be’ nib mo’on ni fak Judah e Asayah e ir e ma yog e thin rorad, ni ir lolgen e tabnaw rok. Pi’in owchen Zerah nib mo’on ni fak Judah e Jeuel e ir e ma yog e thin rorad.

Numbers 2:3

Ba’ ni ngek ko fare Tent, e nge n’uf e ba’ rok Judah e girdi’ e pi Tent rorad riy u tan e gi rorad e flak, u tan lungun e en mitethin, ni bod ni ba’aray: Ganong Mitethin Urngin e girdi’ Judah Nahshon nib mo’on ni fak Amminadab 74,600 Issakar Nethanel nib mo’on ni fak Zuar 54,400 Zebulun Eliab nib mo’on ni fak Helon 57,400 Urnginrad u gubin: 186,400 Ba’ rok Judah e girdi’ e yad e ngar m’oned.

Luke 3:32

mi Jesse e chitamngin David, mi Obed e chitamngin Jesse, mi Boas e chitamngin Obed, mi Salmon e chitamngin Boas, mi Nahshon e chitamngin Salmon,

Luke 3:34

mi Jakob e chitamngin Judah, mi Isak e chitamngin Jakob, mi Abraham e chitamngin Isak, mi Terah e chitamngin Abraham, mi Nahor e chitamngin Terah,

Ruth 4:12

Mang yigi ngongliy e pi bitir ni bayi pi’ SOMOL ngom rok e re pin ney ni kab rugod e naun rom ni bod e naun rok Perez, nib mo’on ni fak Judah nge Tamar.”