Luke 24:52 - Bible Ni Thothup

⁵² Miyad meybil ngak ni yad be pining e sorok ngak nge mu’ miyad sul ngalan yu Jerusalem, ni kari felfelan’rad,

Luke 24:52 Iomraidhean Croise

Psalms 30:11

Ka mu pilyeg e kirban’ rog kemang ba churu’ ni felfelan; ka mu chuweg e gafgow’an rog, ma ka mu longbiyeg ko felfelan’.

Matthew 28:17

Ma fa’anra guyed Jesus miyad paraw nga but’ u p’eowchen, ni yugu aram rogon ni bay boch i yad ni i maruwar Jesus u wun’rad.

Matthew 28:9

Miyow gin ma keb Jesus ngorow me ga’ar, “Nge yib e gapas ngomew.” Miyow yib ra parawgow nga but’ u p’eowchen miyow kol e rifrif u ay ngar siro’gow ngak.

Luke 24:51

Ma nap’an ni be yibiliyrad, me yan rodad ni aram e kan fek i yan nga tharmiy.

Luke 24:53

mu ur pired u lan e Tempel ni yad be pining e magaer ngak Got.

John 14:28

Kam rung’aged ni kugog ngomed ni bay gu wan romed, machane bay kug sul ngomed. Fa’anra gub t’uf romed, ma gimed ra felfelan’ ngay ni bay gu wan ngak e en ni Chitamangiy, ya ir e ka ba ga’ ngog.

John 16:22

Ere ku ireray e n’en ni bay mu rin’ed: chiney e ke kireban’med, machane bay kug guymed bayay, ma bay mfelfelan’gad, ni fa mit nem e felfelan’ ndariy be’ nrayag ni nge fek romed.

John 16:7

Machane nggog e tin riyul’ ngomed: kabfel’ ngomed ni gu ra yan, ya fa’anra dab gu wan, ma en ni nge ayuwegmed e dabi yib ngomed. Ma fa’an gu ra yan ma gu ra pi’ nge yib ngomed.

John 20:28

Me fulweg Thomas ngak ni ga’ar, “Somol rog nge Got rog!”

Acts 1:12

Ma aram me chuw fapi apostel ko burey nu Olive ngar sulod nga Jerusalem, ni gonap’an e baley e mayel u lan binaw nga orel.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,