Luke 24:46 - Bible Ni Thothup

⁴⁶ me ga’ar ngorad: “Ba’aray e n’en ni kan yoloy: en ni Messiah e thingar ni gafgownag min faseg ko yam’ ko chirofen nra gaman e dalip ngay,

Luke 24:46 Iomraidhean Croise

Isaiah 50:6

Kug pi’ keru’ug ni ngan toy, ma da gu taleg e pi’in nra moning nigedgag ko fa ngiyal’nem nra bup’iyed sorbeg miyad thuw nga owcheg.

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Luke 24:44

Me ga’ar ngorad, “Ri ireray fa pin’em ni gu weliy ngomed nnap’an ni kug bay romed: ni urngin ban’en ni kan yoloy ni murung’ageg u lan babyoren e Motochiyel rok Moses, nge tin ke yoloy e pi profet, nge tin kan yoloy u lan babyoren e pi Psalm ni murung’ageg e thangri yib i m’ug nib riyul’.”

Luke 24:7

En ni Fak e Girdi’ e thingar ni pi’ nga pa’ e pi tadenen, min richibiy ko kuruth min faseg ko yam’ ko chirofen nra gaman e dalip fen ngay.”

John 20:9

Ya ka dawor ra nangew fan fa gin’en ni bay u lan e babyor nib thothup ni be yog ni ir e dabisiy ni yira faseg ko yam’.)

Acts 17:3

ni be weliy fan ngorad ma be dag ngorad u lan e babyor nib thothup ni fare Messiah e thangri gafgow nge mu’ min faseg ko yam’. Miki ga’ar ngorad, “Aney i Jesus ni ir e kug weliy murung’agen ngomed, e ir e re Messiah nem.”

Acts 4:12

Kemus ni Jesus e rayag rok ni nge thapeg e girdi’ ngak Got; ya dakuriy yugu reb e ngachal ngabang u roy u fayleng ni pi’ Got ngak e girdi’, ni ir e rayag rok ni nge thapegdad ngak Got.”

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,