Luke 23:40 - Bible Ni Thothup

⁴⁰ Machane bagayow e puwan’ ngak fa’anem ni yow ni ga’ar, “Mog, damur tamdag ngak Got? Ya gadad gubin ni ta’reb rogon e gechig rodad ni kan pi’.

Luke 23:40 Iomraidhean Croise

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Psalms 36:1

Denen e ma non nib toy’ar u fithik’ i laniyan’ be’ nib kireb; be’ nike faluwes nag Got ma dariy doguwen u wan’.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Levitikus 19:17

“Dabi par be’ ni be fanenikay be’, ya nge yan nge non ngak, nge dabi denen ni bochan fa’anem.

Matthew 20:9

Fapi pumo’on nra tababgad ko maruwel ko lal e kolok e ra bagayad min pi’ ta’reb e salpiy nsilber ngak.

Matthew 8:26

Me fulweg Jesus ni ga’ar, “Mang ni kari mu rusgad? Rib achig e michan’ romed ngak Got!” Me sak’iy ngalang nge non ko nifeng nge n’ew, me ri mocha’.

Luke 12:5

Nggu dag ngomed e cha’ ni ir e ngam tamdaggad ngak: mu tamdaggad ngak Got nra li’ e dowef nge yim’, ma bay gelngin nge mat’wun nra yin’ fa’anem nga fithik’ e nifiy. Ere gu be yog ngomed, ni ngam tamdaggad ngak!

Luke 23:39

Ma bagayow fa gali cha’ nra th’abew e motochiyel kan kuruth nagrow e yog e thin nib kireb ngak ni ga’ar, “Gathi gur fare Messiah? Ere mu ayuweg e birom e pogofan nge pogofan romow!”

Luke 23:41

Machane gechig rodow e bmat’aw ni kan pi’ ngodow, ya ba’ tapgin ni ngan pi’ ngodow ni bochan e tin nib kireb ni kad rin’ew; me ir e dariy ban’en nib kireb nike rin’.”

Efesus 5:11

Ere dab um cheaggad ngak e girdi’ ni yad ma rin’ e tin ni dabi yib fan ban’en, nib mil suwon nga fithik’ e lumor. Machane ngam feked e pin’ey i yib ko tamilang. (

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Revelation 16:11

miyad yog e thin nib kireb nib togopluw ngak Got nu tharmiy ni bochan e amith ni yad be tay nge malad nike for u dowrad. Machane dar paged pangirad nib kireb.