Luke 22:16 - Bible Ni Thothup

¹⁶ Ya nggog ngomed ni gathi bay kug way nge yan i mada’ ko ngiyal’ ni bay yib i m’ug e bin riyul’ i fan ko gin nsuwon Got.”

Luke 22:16 Iomraidhean Croise

Luke 12:37

Ri ra felfelan’ e pi tapigpig nem ni sul e masta rorad me pir’egrad ni yad be od ni kar fal’eged rogorad! Nggog ngomed ni ra chichi’iy e luod rok ni aram e ke fal’eg rogon ni nge pigpig ngorad, me yog ngorad ngar pired nga tebel, me mang ir e i yibnag e ggan ngorad.

Luke 14:15

Ma bay bagayad fapi pumo’on u tebel ni rung’ag e re bugithin ney me ga’ar ngak Jesus, “Ri bayi felan’ e pi’in bay ra pired nga tebel ko gin nsuwon Got!”

Luke 22:15

Me ga’ar ngorad, “Kari gum’ ni bochan ni nggu un ngomed ngad ked e re ggan ko Paluk’af ney u m’on ko gafgow ni nggu tay!

Luke 22:18

ya nggog ngomed ni gathi bay ku gu unum e wayin nge yan i mada’ ko ngiyal’ ni bay yib e gagiyeg rok Got.”

Luke 22:30

Bay mu uned ngog ko abich nge garbod u tebel rog ko gin nsuwog, ma bay mpired nga tagil’ e pilung ngam gagiyeg niged fa ragag nge l’agruw i ganong nu Israel.”

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

Acts 10:41

Gathi urngin e girdi’ ni guy, ya kemus ni gamad e pi’in ke turguymad Got ni nggu manged mich riy. Gu uned ngak Jesus ko abich nge garbod u tomuren nike faseg Got Jesus ko yam’.

Revelation 19:9

Ma aram me ga’ar fare engel ngog, “Mu yoloy e bin ba’aray: Ke felfelan’ e pi’in ni kan piningrad ko fare madnom ko mabgol rok fare Fak e Saf.” Me ul ul fare engel ngay me ga’ar, “Pin’ey e ireray fapi thin rok Got nib riyul’.”