Luke 21:24 - Bible Ni Thothup

²⁴ Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Luke 21:24 Iomraidhean Croise

Genesis 34:26

nib mu’un Hamor nge Shekem ni fak ngay. Ma aram miyow fek Dinah u naun rok Shekem ngranod.

Exodus 17:13

Mri gel Joshua ngak fapi Amalek.

Isaiah 5:5

“Ba’aray e n’en ni nggu rin’ ko re gi woldug rog ney ni grape. N’en ni ku gu yung nike mang yoror riy nib liyeg e bay gu chuweg, mu gu bilig nga but’ e yoror riy ni be rungrunguy, nge yib e gamanman ni malboch ngay ngi i kay ma be yot’yot’ nga but’.

Isaiah 63:18

Pi to’ogor romad e ke chugur ni ngar tharbeged e girdi’ rom ni urngin u daken e nam, ma kar darifan niged e tempel.

Isaiah 66:12

Be ga’ar SOMOL, “Bay gu pi e fla’ab ngomed ni dariy n’umngin nap’an; fla’ab ko pi nam e bayi map’ ngomed ni bod ba lul’ ndar mlik. Bay mboded bbitir ni be tathuthnag e chitiningin, ni be dibey be ayweg u fithik’ e t’ufeg.

Isaiah 66:19

mar nanged ni Gag e en ni gu be gechig nagrad. “Machane bay gu pag bochi yad nib fos mug l’oegrad i yan ko pi nam nge yungin nib palog ni dawor rrung’aged bugwag ma dawor raguyed feni gel gelngig: yu Spain, Libya, ngu Lydia, ni bay e girdi’ riy nib salap ko mun gat’ing, ngu Tubal ngu Greece. Yad ra garareg feni sorog u lan e pi nam ney.

Lamentations 1:15

“I Somol e ke minmin ko urngin e salthaw rog ni yad ba chacheag; Ma ke pi’ barba’ i salthaw ni ngar li’ed e pumo’on ni bfel’ yangren rog. Ke pirdi’iy e girdi’ rog ni bod e grape ni yima udiy ni ngan fek l’ogwen.

Daniel 12:7

Fare mo’on nike chuw ko mad nib wech ni bay u bugul e lul’ e pug pa’ ngalang nruw raba’ me micheg bbugithin nga fithingan Got nib manemus. Mu gu rung’ag nike ga’ar, “Bayi par ni dalip nge baley e duw. Ma nap’an nra m’ay e gafgow ni yibe tay ngak e girdi’ rok Got, ma ke lebug gubin e pin’ey.”

Daniel 8:13

Mu gu rung’ag laman ba engel ni fith ngak yugu reb e engel ni be ga’ar, “Uw n’umngin nap’an ni bayi par e pin’en ni ba’aray nike pilyeg e changar kan guy? Uw n’umngin nap’an nra par fare denen ni ubchiya’ u luwan e pi maligach ni yu rran? Uw n’umngin nap’an ni yira yot’yot’ fa raba’ i salthaw nu tharmiy nge fare Tempel nga but’?”

Daniel 9:27

Ma re pilung nem e bayi par ni bay e tha’ nib mudugil u thilrad bo’or e girdi’ ni medlip e duw, mra yan dalip nge baley e duw ma bayi taleg e pi maligach nge pin’en ni yima ognag. Ma Fare N’en ni Th’abi Dabuy e bay ni tay ko gin th’abi tolang ko fare Tempel me par u rom nge mada’ ko ngiyal’ ni nge taw nga tol’ e cha’ ni ir e tay ngaram ni Got e ke tanomnag ni nge aw ngak.”

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Luke 21:25

“Ma bay e pow ni bayi m’ug u mit e yal’, ngu mit e pul, ngu mit e pi t’uf. Ma pi nam nu roy u fayleng e bay ra pired ndakur nanged e n’en ni ngar rin’ed, ya kar rusgad nga lingan e day ni be pil nge day nib gel nike yib.

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Hebrews 11:34

miyad thang e nifiy nib gel, ma de yag ni ngan li’rad ko saydon. Yad mme’waer machane yib gelngirad ngar gelgad; ma yad ba gel ko mael, ma aram miyad li’ e salthaw rok e pi nam.

Revelation 11:2

Machane dab mu foleg lan e yoror ko Tempel. Dab mu foleg, ya kan pi’ ngak e pi’in ni gathi yad piyu Israel, ni yad e bay uryot’ed daken fare Binaw nib Thothup ni aningeg i ragag nge l’agruw e pul.