Luke 2:46 - Bible Ni Thothup

⁴⁶ Ma chirofen ni gaman e dalip ngay miyow pir’eg u lan e Tempel, ni kar pired e pi tamchib nu Israel nga but’, be motoyil ngorad ma be fithrad.

Luke 2:46 Iomraidhean Croise

1 Kings 12:12

Dalip e rran nga tomuren me sul Jeroboam nge yu Israel ngak Rehoboam ni Pilung, ni bod ni yog ngorad.

1 Kings 12:5

Me ga’ar ngorad, “Nge gaman e dalip e rran mi gimed sul mu gu pi’ e fulweg ko re bugithin nir.” Miyad yan.

Isaiah 50:4

SOMOL ni Th’abi Tolang e fil ngog e n’en nggog, ya nge yag ni gu pi’ e athamgil nga laniyan’ e pi’in ke mulan’rad. Gubin e kadbul nma pasignag lanin’ug ni nggu motoyil ko n’en ni nge fil ngog.

Matthew 12:40

Rogon ni par Jonah u lan yin fare nig ni ba ga’ ndalip e rran nge dalip e neap’, e ku errogon e en ni Fak e Girdi’ ndalip e rran nge dalip e neap’ nra par u fithik’ e fayleng u ar.

Matthew 16:21

Ngiyal’ nem i yan ngam’on e yog Jesus ngak pi gachalpen nib tamilang ni ga’ar, “Thingar gu wan nga Jerusalem ngar ug gafgow rok e pi’in pi’ilal, nge pi tolang ko prist, nge pi tamchib ko Motochiyel. Bay nli’eg nggum’, ma chirofen nra man e dalip e rran ngay e bay ni fasegeg ko yam’.”

Luke 2:47

Ma urngin e girdi’ ni ur motoyilgad ngak e ra gin gad nga feni llowan’ ko thin ni ur fithed ngak ngi i fulweg.

Luke 5:17

Me yan i reb e rran ni be machib Jesus, ma bay boch e Farise nge boch e tamchib ko Motochiyel ni kar pired u but’ u rom nrabad u urngin e binaw ni bay u lan yu Galile ngu Judea, nge binaw nu Jerusalem. Ma gelngin Somol e bay rok Jesus ni nge golnag e girdi’ nib m’ar.

John 3:10

Me fulweg Jesus ni ga’ar, “Mog, i gur reb e tamchib nu Israel ni ga ba ga’, ma da mu nang e ren’ey?

Acts 5:34

Machane bay bagayad, ni ir reb e Farise ni Gamaliel fithingan, ni reb e tamchib ko Motochiyel nri urngin e girdi’ mma tayfan, ni sak’iy ngalang u lan fare ulung. Me yog ni ngan fek fapi apostel nga waen,

1 Timothy 1:7

Ma yad ba’adag ni ngar manged tamchib ko motochiyel rok Got, machane darir nanged fan e thin ni yad be yog ara murung’agen e pin’en ni yad be weliy ni kari pagan’rad ngay.