Luke 2:27 - Bible Ni Thothup

²⁷ Me yan Simeon ngalan e Tempel, ni Kan ni Thothup e pow’iy. Ma fa’ani fek e gallibthir rok Jesus fare tin ni Jesus i yib ngalan e Tempel ni ngar rin’ew e tin keyog e Motochiyel ni fan ngak,

Luke 2:27 Iomraidhean Croise

Jeremiah 32:11

Ma aram mug fek fagel yang i babyor ni pow riy ni kug chuw’iy e flang — ni gin ni bay murung’agen riy ni ku gu fanay nge rogon e regi flang nem, nge bang ni dawor ni pag e hung nga daken —

Matthew 4:1

Me pow’iy fare Kan ni Thothup Jesus nga daken e ted ni fan e nge yib e mo’onyan’ i guy rogon e n’en nra rin’ me denen Jesus.

Luke 2:22

Fa’ani taw nga nap’an ni aram e nge ngongliy Josef nge Maria e tin keyog e Motochiyel rok Moses ni ngu’un rin’ mi ni bangbengnag Maria ni aram e ke arow ni yalen ni yima rin’. Ma aram miyow fek fare tin i yan nga Jerusalem ni aram e kan fek i yib nga p’eowchen Somol.

Luke 2:28

me dibey Simeon fachi tir me pining e magaer ngak Got ni bochan e chi tir nem, me ga’ar:

Luke 2:41

Gubin e duw ma i yan e gallibthir rok Jesus nga Jerusalem ni fan ko madnom ni Paluk’af.

Luke 2:48

Ma gallibthir rok e fa’anra guyew miyow gin ngak, me ga’ar e chitiningin ngak, “Fakag, mang ni kam rin’ e biney e pa’ ngomow? Gamow be gayem e chitamam ni kar gu rusgow.”

Luke 2:51

Ma aram me un Jesus ngorow ngar sulod nga Nazareth, mi i par ni be fol rorow. Me tay e chitiningin urngin e pin’em nga laniyan’.

Luke 4:1

Me sul Jesus u Jordan nib sug ko Kan Nthothup, me mang fare Kan ni Thothup e pow’iy nga daken e ted,

Acts 10:19

Ka be guy Peter rogon ni nge nang fan e ren’em ni kan piliyeg e changar rok ke guy me ga’ar fare Kan Nthothup ngak, “Mu tiyilim! Ke taw dalip i pumo’on ngaray ni yad be guyem.”

Acts 11:12

Me yog fare Kan Nthothup ngog ni nge dab ku ug maruwar u wun’ug ko nggu un ngorad fa dangay. Ma nel’ i girdi’ ni ba’aray ni walagdad ma girdi’en Kristus e ku errogon nra uned ngog nggu warod nga Cesarea, ma gamad gubin ni gu warod ngalan e naun rok Kornelius.

Acts 16:7

Ma fa’anra tawgad ko mathil u Mysia, miyad guy rogon ni ngranod ngalan e nug nu Bithynia, machane de pagrad e Kan Nthothup ni ngranod ngaram.

Acts 8:29

Me ga’ar fare Kan Nthothup ngak Filip, “Mman nga to’oben e re karrow nem.”

Galatia 4:4

Machane fa’ani taw nga nap’an e ngiyal’ ni duwgiliy Got, me pi’ Got Fak nge yib. Me yib ni ba girdi’ e chitiningin, mi i par u tan fare Motochiyel rok piyu Israel,

Revelation 1:10

Chirofen ni rran rok Somol me yib fare Kan Nthothup i ying ngog, mu gu rung’ag ba lam ni ba ga’ ni bod laman ba rappa ni be non u keru’ug.

Revelation 17:3

Me ying fare Kan Nthothup ngog, me fekeg fare engel nga daken bangi ted. Mu gguy be’ ni bpin u rom nike par nga daken ba gamanman nib row ni bay e ngachal nib kireb nib togopluw ngak Got ni kan yoloy nga daken downgin ni gubin yang; ma re gamanman nem e medlip lolugen ni bay ma ragag e gagey rok.