Luke 19:9 - Bible Ni Thothup

⁹ Me ga’ar Jesus ngak, “Kanawo’ ni nge thap e girdi’ riy ngak Got e ke taw ko re naun ney e daba’, re mo’on ney e ku errogon ni ir be’ ni owchen Abraham.

Luke 19:9 Iomraidhean Croise

Luke 13:16

Me ere chiney e ba’aray be’ aray ni ir be’ ni owchen Abraham ni nga ragag nge meruk e duw nike m’ag Satan ke tay; ere yira pithig e m’ag rok ko chirofen ni Sabbath fa danga’?”

Luke 13:30

Ma aram e pi’in yad ba tomur e chiney e bay ra m’onod, ma pi’in yad m’on e chiney e bay ra tomurgad.”

Luke 16:24

Ma aram me pong ni ga’ar, ‘Abraham nchitamag! Mu runguyeg, mol’oeg Lazarus nge lthag bugul i pa’ nga fithik’ e ran nge garbebnag bolowtheg ngay, ya dab kug sow ko amith u fithik’ e re nifiy ney!’

Luke 16:30

Me fulweg fare mo’on ni immoy ni pire’ ban’en rok ni ga’ar, ‘Abraham, nchitamag, tinir e dab ra gamangad riy! Machane ra fos be’ ko yam’ nge yan ngorad ma aram e yad ra pi’ keru’rad ko tin nib kireb ni yad be rin’.’

Luke 2:30

Ya kug guy nga owcheg e en ni kam pi’ ni ir e nge thapeg e girdi’ ngom,

Luke 3:8

Mu rin’ed e ngongol ni nge dag ni kam pi’ed keru’med ko denen ni gimed be rin’. Ma dab umogned romed ni be lungumed, ‘I Abraham e ir e chitamangidad.’ Ya nggog ngomed ni Got e rayag rok ni nge fek e pi malang ney nge ngongliy ngar manged e pi’in owchen Abraham!

Roma 4:16

Ere tin ni yog Got nra pi’ e ntay ni bay rogon ko mich u wun’uy ngak Got, ni fan e tin ke yog Got ni bayi pi’ e nge yan i aw nib tow’ath rok Got ngak urngin e pi’in owchen Abraham — ni gathi kemus ni pi’in yad be fol ko fare Motochiyel, machane ku errogon e pi’in ke mich Got u wun’rad ni bod rogon Abraham. Ya Abraham e chitamangidad ni gadad urngin e pi’in ke mich Got u wun’dad.

Galatia 3:14

I rin’ Kristus ni aram rogon ni fan e fare tow’ath ni ognag Got ngak Abraham e nge yag ni ngan pi’ ngak e pi’in gathi yad piyu Israel, ni ngan pi’ ngorad u daken Kristus Jesus, ma aram e daken e michan’ rodad ngak e ra ni pi’ fare Kan ni Thothup riy ngodad ni ognag Got nra pi’.

Galatia 3:29

Fa’anra ke mil suwmed ngak Kristus, me ere kam manged pi owchen Abraham, ni aram e bayi yag ngomed e tin ni ognag Got nra pi’.

Galatia 3:7

Ere susun e ngam nanged ni girdi’ nib michan’rad ngak Got e ireram e pi’in nriyul’ ni yad e pi’in owchen Abraham.

1 Peter 2:10

Immoy ba ngiyal’ ni um pired ni gathi gimed girdi’en Got, machane chiney e kam manged girdi’en; ma bay ba ngiyal’ ni um pired nda mu nanged e runguy rok Got, machane chiney e ke runguymed Got.