Luke 19:13 - Bible Ni Thothup

¹³ Ma dawori yan me kunuy e tapigpig rok ni yad ragag, me bagayad me pi’ reb e salpiy ni gol ngak, me ga’ar ngorad, Mu guyed rogon ngam maruwelgad ko chi salpiy ney ngam thog niged e salpiy riy ko ngiyal’ nda kug moy romad.

Luke 19:13 Iomraidhean Croise

Matthew 25:16

Ma fare tapigpig ni kan pi’ lal biyu’ e salpiy ni wasey nib gol ngak e yan ni kachingiyal’ nem nge maruwel ko fare salpiy ni kan pi’ ngak ngki yagnag reb e lal i biyu’ riy.

Matthew 25:20

Ma fare tapigpig nni pi’ lal biyu’ e salpiy ni wasey ngak e yib nge pi’ ngak fa lal biyu’ nem e salpiy ni yagnag ko fa lal biyu’ nem, me ga’ar, ‘Mpi’ faram lal biyu’ e salpiy ni wasey ngog, ere ku ba’aray lal biyu’ e salpiy ni kug yagnag riy.’

Matthew 25:22

Ma fare tapigpig nni pi’ l’agruw i biyu’ e salpiy ni wasey ngak e yib me ga’ar, ‘Mpi’ faram l’agruw biyu’ e salpiy ngog; ere ku ba’aray l’agruw biyu’ e salpiy ni kug yagnag riy.’

Matthew 25:24

Me yib fa binem e tapigpig nni pi’ ta’reb e biyu’ e salpiy ni wasey ngak me ga’ar, ‘Gu manang ni gur reb e girdi’ ndamur runguy be’: ga ma t’ar wom’ngin e woldug ni gathi gur e mu yung, ma ga ma kunuy e ggan ko gin nda mwereg awochngin e woldug riy.

Luke 19:12

Ma aram me ga’ar, “Immoy be’ nib tolang ni yan nga ba nam nib orel ni ngan pilungnag riy nge mu’ me sul nga tafen.

Luke 19:14

Ma fanenikan e girdi’ ko nam rok daken, ma aram miyad l’oeg boch e girdi’ ngar leked ni ngranod rogned ni nge lungurad, ‘Dabumad e re mo’on ney ni nge mang pilung romad.’

John 12:26

En ni ba’adag ni nge pigpig ngog e thangri un ngog, ya en ni tapigpig rog e bay i par rog ko gin ni gu bay riy. Ya Chitamag e ra tayfan e cha’ nma pigpig ngog.”

Galatia 1:10

Re bugithin ney ni kugog e gimed be finey ma gu be guy rogon ni nggu wan nga laniyan’ e girdi’? Danga’! I Got e gu be finey ni nggu wan nga laniyan’! Ara gimed be finey ni gu be guy rogon ni nggu fel’ u wan’ e girdi’? Fa’an mang e gu be guy rogon ni nggu fel’ u wan’ e girdi’, ma dab gu mang reb e tapigpig rok Kristus.

James 1:1

Re babyor ney e yib rok James, ni ir reb e tapigpig rok Got nge Somol i Jesus Kristus: Nge felan’ Got ngak urngin e girdi’ rok ni yad ba wear u daken e re fayleng ney ni polo’.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’: