Luke 18:19 - Bible Ni Thothup

¹⁹ Me fith Jesus ngak ni ga’ar, “Mang ni kamog ni gu bfel’? Dariy ta’abe’ ni bfel’ ya kemus ni go’ Got e bfel’.

Luke 18:19 Iomraidhean Croise

BABYOR NI JOB 14:4

Dariy ban’en nib be’ech nrayag ni yib rok ban’en ni bod feni alit e girdi’.

BABYOR NI JOB 25:4

Rayag ni par be’ nib mat’aw fa bmachalbog u p’eowchen Got?

Luke 1:35

Me fulweg fare engel ngak ni ga’ar, “Fare Kan Nthothup e bayyib ngom, me yib i par gelngin Got ngom. Ireray fan nre tir nem nib thothup e bay ni pining ni Fak Got.

Luke 11:13

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere en ni Chitamangiy ni bay u tharmiy e ri ra pi’ fare Kan Nthothup ngak e pi’in yad ra ning ngak!”

Luke 18:18

Be’ nma gagiyegnag e girdi’ nu Israel e fith ngak Jesus ni ga’ar, “Tamchib ni bfel’, mang e thingar gu rin’ me yag e yafos ndariy n’umngin nap’an ngog?”

Luke 18:20

Ga manang fapi motochiyel ni ga’ar, ‘Dab mu pirew be’ ni gathi mabgol rom; dab mu li’ be’ ngem’; dab mmoro’ro’; dab mu t’ar e thin nga daken be’; mu liyor ko chitamam nge chitinam.’ ”

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.