Luke 18:14 - Bible Ni Thothup

¹⁴ Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Luke 18:14 Iomraidhean Croise

BABYOR NI JOB 22:29

I Got e ma girengiy nga but’ e pi’in ba tolangan’rad mma ayuweg e pi’in ba sobut’anrad.

BABYOR NI JOB 25:4

Rayag ni par be’ nib mat’aw fa bmachalbog u p’eowchen Got?

BABYOR NI JOB 9:20

I gag e bfel’ e rog ma gu ba yul’yul’, machane lingan e thin rog e gawa bbuch e rog, ma gubin ban’en ni gu ra yog e gowa be sul nge togopluw ngog.

Psalms 138:6

Yug aram rogon nri gab tolang ngalang, ma ga ma runguy e pi’in yad ba sobut’, ma pi’in ba tolangan’rad e dabyag ni ngar mithgad rom.

Psalms 143:2

I gag e tapigpig rom, dab mu pufthin nigeg; dariy be’ nib machalbog u p’eowchem.

Exodus 18:11

Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”

Proverbs 15:33

Madgun SOMOL e ba sukul. Thingar mu sobut’ nigem u m’on ni ngan tolang nagem.

Proverbs 18:12

Pi’in tolangan’ e yad be bibiy e riya’ i yan; dariy be ni yira tayfan nge mada’ ko ngiyal’ nike sobut’an.

Proverbs 25:7

Kabfel’ ni nganog ni ngam man nga reb e liw nib tolang ko bin nganog ngom ni ngan pi’ e birom e liw ngak be’ ni kab sorok boch ngom.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Proverbs 3:34

Dariy rogon e girdi’ ni ufanthin ngak, machane ma dag ngak e pi’in nib sobut’an ni yad ba t’uf rok.

Eklesiastes 9:7

Man ngam abich ma ga be felfelan’, mu unum nunum wayin u fithik’ e felfelan’, bfel’ u wan’ Got.

Isaiah 45:25

I Gag SOMOL e bay gu chuweg urngin e pi’in owchen Jakob u pa’ e to’ogor rorad, ma bay ra pininged e magaer nge sorok ngog.

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Habakkuk 2:4

Ba’aray e thin rog ngom: ‘Pi’in yad ba kireb e dab ra fosgad; ma pi’in yad bmat’aw e yad ra fos ni bochan e yad ba yul’yul’ ngak Got.’”

Matthew 23:12

Ma en nra tolangnag ir e yira sobut’nag nge sobut’an’, ma en nra sobut’nag ir e yira tolangnag.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Luke 1:52

Pi pilung ni ba ga’ lungurad e ke chuwegrad u tagil’rad, ma ke tolangnag e pi’in nib sobut’.

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

Roma 3:20

Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

Roma 4:5

Ma be’ nde muruwliy ban’en me mich Got u wan’, ni fare Got ni ir e ma mat’awnag e pi tadenen, e ke matha’eg Got ngak ni ir be’ nib mat’aw ni bochan e ke mich Got u wan’.

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

Roma 8:33

Ere mini’ e en nra yog nib kireb e rok e pi’in ke mel’egrad Got? Ya Got e ir e keyog nde kireb e rorad!

Galatia 2:16

Machane gadad manang ni kemus nu daken e michan’ rok be’ ngak Jesus Kristus e ir e rayag ni nge mat’aw riy ngak Got, ma ri gathi bochan e i rin’ e tin nike yog e Motochiyel rok Moses ngak ni ir e ngi i rin’. Ku errogon gadad nike mich Kristus Jesus u wun’dad ni fan e nge yag ni ngad mat’awgad ngak Got u daken e michan’ rodad ngak Kristus, ma gathi bochan e gadad be rin’ e tin ni be yog e Motochiyel ngodad ni ngad rin’ed. Ya dariy be’ nra mat’aw ngak Got ni bochan e be rin’ e tin nike yog e Motochiyel ngak ni nge rin’.

James 4:10

Mu sobut’niged lanin’med u p’eowchen Got me tolangnagmed.

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

1 Samuel 1:18

Me ga’ar fare pin, “Mang e yigi felan’um ngog.” Ma aram me yan, me abich nike fel’ lanyan’.