Luke 17:3 - Bible Ni Thothup

³ Ere mu ayuwgad! “Fa’anra denen walagem ni girdi’en Kristus ma ga puwan’ ngak, ma fa’anra yib i wenig ngom, ma ga n’ag fan u wun’um e tin ke rin’.

Luke 17:3 Iomraidhean Croise

Psalms 141:5

Be’ nib manigil e mang e ra gechig nigeg me puwan’ ngog u fithik’ e t’ufeg, machane gag e dariy liben me fel’ u wun’ug e tayfan rok e girdi’ ni kireb, ni bochan e gubin ngiyal’ ni gu ma meybil nib togopluw ko tin yad be rin’ nib kireb.

Exodus 34:12

Ngar mu guy rogon ndab mu ngongliy ba tha’ u thilmed girdi’en e re nam ni ir e ngam man ngay, ya ir e ra girengiy e riya’ nga dakenam.

Proverbs 17:10

Be’ nib llowan’ e bo’or ban’en nra fil u ta’abyay ni ngan puwan’ ngak, ko en nib balyang ni kan toy ni ra’ay yay.

Proverbs 27:5

Bfel’ ni ngam puwan’ ku be’ ni ga be yal’uweg ko bin ngam digey nge leamnag nde t’uf rom.

Proverbs 9:8

Dariy e ngiyal’ ni ngam yal’uweg be’ nib ufanthin; ya ra fananikayem riy. Machane fa’an ga ra yal’uweg be’ nib gonop, ma ra adag dakenam.

Levitikus 19:17

“Dabi par be’ ni be fanenikay be’, ya nge yan nge non ngak, nge dabi denen ni bochan fa’anem.

Matthew 18:21

Me yib Peter ngak Jesus nge fith ni ga’ar, “Somol, uw urngin yay nrayag ni nge denen walageg nib togopluw ngog ma thingar gu n’ag fan u wun’ug? Medlip yay?”

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Efesus 5:15

Ere um ayuwgad u rogon e ngongol romed. Dab um ngongolgad ni bod e girdi’ ndawori tamilangan’rad, machane ngu’um ngongolgad ni bod rogon e girdi’ nib gonop.

Deuteronomy 4:15

“Nap’an ni non SOMOL ngomed u fithik’ fare nifiy ko Burey ni Sinai, ma dam guyed fon be’, ere ngam kol ayuwgad ngam micheged

Deuteronomy 4:23

Ngam ayuwgad nge dab mu paged talin fare m’ag ni SOMOL ni Got romed e ke ngongliy u thilmed nge ir. Dariy bmit e liyos ni ngam ngongliyed ni bochan e keyog SOMOL ni Got romed ni dab mu rin’ed,

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

James 5:19

Pi walageg ni girdi’en Kristus: Fa’anra pag bigimed e tin nib riyul’ e thin nge yan riy nga orel, me yan bigimed nge yan i fulweg,

2 John 1:8

Ere mu ayuwgad, ya ri mul u pa’med e tin ni kad muruwliyed, ya nge yag ngomed urngin e tin ni ngan pi’ ngomed.