Luke 17:16 - Bible Ni Thothup

¹⁶ Me yib i paraw nga but’ u to’oben i ay Jesus ni be pining e magaer ngak. Re mo’on nem e be’ u Samaria.

Luke 17:16 Iomraidhean Croise

Genesis 17:3

Me ragbug Abram nge yan i yip’ owchen nga but’, me ga’ar Got,

Matthew 10:5

Jesus e l’oeg e re ragag nge l’agruw i girdi’ ney, ma ba’aray e pin’en ni yog ni ngar rin’ed ni ga’ar, “Dab marod ngalan e nam ko pi’in gathi yad piyu Israel fa lan e pi binaw ni bay e girdi’ nu Samaria riy.

Matthew 2:11

Miyad chuw nga naun miyad guy fachi tir ni bay rok Maria ni chitiningin. Miyad ragbug ngar siro’gad ngak; miyad bing e tutuw rorad miyad tow’athnag ko gol, nge frankincense, nge myrrh.

Mark 5:33

Me thamiy fare pin rok nike gol; me yib ni be da’da’ ko marus, me paraw nga but’ u to’oben i ay Jesus me weliy salpen ngak nge n’en ke rin’ ma ke gol.

Luke 17:17

Me non Jesus ni ga’ar, “Ragag e pumo’on ni kan chuweg e daraw rorad; me ere bu uw mereb i yad?

Luke 5:8

Ma fa’ani guy Peter e pi nig nem ni aram urngin, me ragbug nga but’ u p’eowchen Jesus me ga’ar, “Somol, mman ngam chuw rog, ya gag be’ ni gub tadenen!”

John 4:9

Me fulweg fare pin nu Samaria ni ga’ar, “I gur e ga be’ u Israel mi gag e gu be’ u Samaria — ere ke di’in ma kam ning e ran ngog ni ngam unum?” (Ya piyu Israel e darir fanayed e ran ko pin’en nma fanay piyu Samaria e ran riy.)

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

John 8:48

Me ga’ar fapi cha’ nu Israel ngak Jesus, “Gathi ba riyul’ ni ku gogned ni gur be’ u Samaria ni keb i ying ba mo’onyan’ ngom?”

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

1 Korinth 14:25

ma tin nib mith u fithik’ i lanyan’ e rayib i pes ngalan e tamilang, ma aram e ra siro’ nge meybil ngak Got mra ga’ar, “Riyul’ ni bay Got romed u roy!”

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 4:10

me paraw fa rliw’ nge aningeg i pi’ilal nga but’ u p’eowchen fa’anem nike par nga tagil’, ngar siro’gad ngak ni ir e bay i par nib fos ndariy n’umngin nap’an. Ma yad be tay e te’eliyaw rorad nga but’ u m’on u tagil’ fa’anem, ma be lungurad:

Revelation 5:14

Ma fa aningeg i n’em ni yad ba fos e ra fulweged ni lungurad, “Amen!” Me paraw fapi pi’ilal nga but’ ngar siro’gad ngak.