Luke 16:26 - Bible Ni Thothup

²⁶ Ma ku errogon ni bay bangi ban’en u thildad nib to’ar, ni pi’in yad ba’adag ni ngarbad u roy ngom e dabiyag, ara be’ ni nge yib u wur ngaray.’

Luke 16:26 Iomraidhean Croise

Psalms 49:14

Ke m’ay i turguy ni ngarm’ad ni bod e saf, ma yam’ e ir e bayi mil farad ngak. Ma pi’in nib mmat’aw e yad ra gel ngorad, ma be par dowrad ni be wod ko gin ni kan k’eyagrad riy nib orel ko tabinaw rorad!

Psalms 50:22

“Motoyilgad ko ren’ey, gimed e pi’in gimed be fekyathig, ya ri gu thang owchamed, ma dariy be’ nra ayuwegmed.

Ezekiel 28:24

I SOMOL e ga’ar, “Dakriy reb fapi nam nib chugur ni i togopluw nga Israel ni ku rayag ni mang ba rachangal fa makankan ni nge gafgownag yu Israel. Ma aram e bay ra nanged ni Gag fare SOMOL ni Th’abi Tolang.”

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Luke 12:59

Ya nggog ngom ni dabiyag ni ngam chuw u rom nge yan i mada’ ko ngiyal’ ni kam thang e bin th’abi tomur e row u urngin e salpiy ni kanog ni ngam pi’.”

Luke 16:25

Machane me ga’ar Abraham, ‘Fakag, ka ga manang faram ni fa ngiyal’nem ni um moy ko fa binem e tamilang e ni pi’ urngin e tin ni bfel’ ban’en ngom, ma aram e urngin e tin kireb ban’en e yag ngak Lazarus; machane chiney e be felfelan’ u roy, me gur e kam par nga fithik’ e amith.

Luke 16:27

Me ga’ar fare mo’on ni immoy ni pire’ ban’en rok, ‘Chitamag i Abraham, wenig ngom, mol’oeg Lazarus nga tabinaw rok e chitamag,

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

Revelation 20:10

Ma fare Mo’onyan’ ni ban nagrad e nin’ ngalan fare lipath i nifiy nge sulfur, ni ir e ka nin’ fare gamanman ngay nge fare profet ni yugu ban’en; ma aram e bay ni gafgow nagrad ni rran nge neap’ ndariy n’umngin nap’an.

Revelation 22:11

En nib kireb e aram e thingari i par ni yigo’o tin nib kireb e be rin’, ma en nib alit e aram e thingari i par nib alit; ma en ni bfel’ e aram e thingari i par ni yigo’o tin ni bfel’ e be rin’, ma en nib thothup e aram e thingari i par nib thothup.”

1 Samuel 25:36

Me sul Abigail ngak Nabal, ni kabay u tabnaw ni be mur ni bod e mur ko pilung. Ma ke chingnag Nabal ma ke felfelan’, ere de yog Abigail ban’en ngak nge mada’ ko kakadbul.