Luke 16:15 - Bible Ni Thothup

¹⁵ Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

Luke 16:15 Iomraidhean Croise

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

2 Kronicles 6:30

ma ga rung’ag e meybil rorad. Mmotoyil ngorad u tafnam u tharmiy ma ga n’agfan u wun’um e kireb rorad. Kemus ni go’ gur e gamnang e tafinay rok e girdi’. Ra be’ ma ga pi’ ngak e tin nib m’ag ko ngongol rok,

Psalms 10:3

Pi’in kireb e yad ba uf ko pi ar ar rorad ni kireb; pi’in chogow e yad ma yog e thin ni kireb ngak SOMOL miyad pi’ keru’rad ngak.

Psalms 49:13

A mu guy e n’en ke rin’ e pi’in yad e yad be toer ngorad, nge n’en ke buch rok e pi’in ke nemow u wun’rad e pin’en ni bay u pa’rad ni ka ra fla’abgad riy.

Psalms 49:18

Mus ni fa’anra be par be’ nike nemowan’ ngak ko biney e tamilang, ma yibe pining e sorok ngak ni bochan e mon’og ni be tay,

Psalms 7:9

Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

Proverbs 16:5

I SOMOL e dabun gubin e pi’in tolngan’; ma dariy liben me pagrad ngar thaygad ko gechig.

Proverbs 20:6

Ra be’ ma be weliy rogon feni fel’ nge feni yul’yul’, machane u uw e ga ra pir’eg be’ riy ni aram rogon?

Proverbs 21:2

Rayag ni ngam leamnag ni gubin e ngongol rom ma go’ bfel’, ma dab mu pagtalin ni SOMOL e be thabthabelnag e tin bay u gumircha’em.

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Malaki 3:15

Ya gadad be guy ni pi’in yad ba tolngan’ e yad ba felfelan’. Ma pi’in yad be ngongliy e kireb e gathi kemus ni be yo’or ban’en rorad, machane ku yad be sikengnag e gumaen’ rok Got ko kireb ni yad be ngongliy ma der buch ban’en rorad.’”

Matthew 23:5

Yad be rin’ urngin ban’en ni bochan e nge guyrad e girdi’. A mu guyed feni ga’ tafen e thin nu babyor nib thothup ni kan yoloy nochi yangi babyor ka nin’ ngalan kar m’aged nga peri’rad nge nga daken pa’rad, mi gimed guy feni n’uw e matharthar ko thal ni wuru’ e mad rorad!

Matthew 6:16

“Ma fa’anra mpired ni kam paged e abich, ma dab mu kireb niged owchemed ni bod nma rin’ e pi’in yad ma madag girdi’ ni yad ma yan ni kar owchen i biliggad ni bochan e ngari nang urngin e girdi’ ni kar paged e abich. Dab mpaged talin, ni aram e kem’ay i pi’ puluwon ngorad ni polo’.

Matthew 6:2

“Ere fa’an ga ra pi’ ban’en ngak be’ nike gafgow ndabisiy ni nge yag ngak, ma dab mu guy rogon ni ngar ni guy, ni bod nma rin’ e pi’in nma madag girdi’ u lan e pi tafen e mu’ulung ngu daken e kanawo’. Yad ma rin’ ni bochan e nge yog e girdi’ e sorok ngorad. Dab mpaged talin, ni aram e kem’ay i pi’ puluwon ngorad ni polo’.

Matthew 6:5

“Ma fa’an gimed ra meybil, ma dab mu boded e pi’in yad ma madag girdi’, ni yad ba’adag ni ngar sak’iygad ngar meybilgad u lan e pi tafen e mu’ulung nge yungi n’en ni madardar ko kanawo’ ni bochan e nge gubin e girdi’ me guyrad. Dab mpaged talin, ni aram e kem’ay i pi’ puluwon ngorad ni polo’!

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

Luke 11:39

Ma aram me ga’ar Somol ngak, “Gimed e pi Farise e gimed ma maluknag e kap nge plet u wuru’, machane ke sugnag e yargel nge kireb lanin’med.

Luke 18:11

Me sak’iy fare Farise ngalang nge meybil rok ni ga’ar, ‘Gu be pining e magaer ngom, i gur Got, ni bochan e gathi gag be’ ni gub chogow, fa gu ma ban, ara gu ma darngal, ni bod nma rin’ yugu boch e girdi’; gu be pining e magaer ngom ni bochan e gathi gu bod e re tamukun tax nem.

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Luke 18:21

Me fulweg fare mo’on ni ga’ar, “Urngin e pi motochiyel nir ni gu be fol riy nnap’an ni ku gub bitir ke mada’ ko chiney.”

Luke 18:9

Ki weliy Jesus e re fanathin ni ba’aray ngak e girdi’ ni pi’in yad be tay u wun’rad ni yad e ri yad ba yal’uw ma tin kabay e girdi’ e dar yal’uwgad.

Luke 20:20

Ma aram mu ur guyed rogon e ngiyal’ nrayag riy. Miyad pi’ puluwon boch e pumo’on ngranod ngak Jesus ni ngar fithed yu bugithin ngak ni susun e riyul’ ni yad ba’adag ni ngar nanged e fulweg riy, machane yad be guy rogon ni nge aw Jesus ko wup rorad ko thin ni ngar fithed ngak, ni fan e nge yag nra pi’ed Jesus nga pa’ e cha’ ni ir e am nu Roma ni bay mat’wun nge gelngin.

Luke 20:47

yad e picha’ ni kar felan’gad u puluwon e pi’in ni ppin nike yim’ figirngirad ni yad be leag e naun rorad, ma yad be fek e meybil nib n’uw, ni yad be guy rogon ni ngu’un guyrad! Ere gechig ni yira pi’ ngorad e ri kab gel!”

John 2:25

Ma dariyfan ni nge weliy be’ murung’agen e girdi’ ngak Jesus, ya ri manang Jesus e n’en ni be leamnag e girdi’.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

Acts 1:18

Salpiy ni yagnag Judas ko ngongol nib kireb e ni chuw’iy bangi binaw ngay, ni aram e gin ni mul riy u lang nge yim’; me po’ e yal rok nge wear gathon nga but’.

Acts 1:24

Miyad meybil ni lungurad, “Somol, ga manang laniyan’ urngin e girdi’. Ere mu dag ngomad, Somol, ko mini’ rok e gali cha’ney e kam duwgiliy

Acts 15:8

Mi Got, ni ir e manang laniyan’ urngin e girdi’ e dag ni bfel’ e pi’in gathi yad piyu Israel u wan’, ni fan e pi’ e Kan Nthothup rok ngorad, ni bod rogon nike pi’ ngodad.

Roma 3:20

Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

Roma 8:27

Mi Got, nma guy e tafinay rok e girdi’, e manang e tin ni be leamnag fare Kan Nthothup; ya fare Kan Nthothup e ma wenignag e tirok’ Got e girdi’ ngak Got nrogon nib m’agan’ Got ngay.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

1 Peter 3:4

Ya lanin’med e nge par nib pidorang, ni aram e pidorang ni dabi m’ay ni aram e leam nib sumunguy ma ba gapas, ni ir e ba ga’ fan u mit Got.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”