Luke 12:7 - Bible Ni Thothup

⁷ Mus nga piyan lolugmed ni kem’ay i the’eg. Ere dab mu rusgad, ya ka ba ga’ famed ngak bo’or fa nochi arche’ ni sparrow fithingan!

Luke 12:7 Iomraidhean Croise

2 Samuel 14:11

Me ga’ar fare pin, “Gur en Pilung, wenig ngom mu meybil ngak SOMOL ni Got rom, ni re girdi’ rog nsusun e nge falbiyen e kireb rok fare pagel ni fakag e dabi rin’ reb e kireb nib gel e oloboch riy ni nge thang e pogofan rok e bin kaba’ e pagel ni fakag.” Me fulweg David, ni ga’ar, “Kug micheg u fithingan SOMOL ni be par nib fos, ndariy bochi ban’en nra buch rok fakam.”

BABYOR NI JOB 35:11

Dar sulod ngak Got, ni ir e pi’ e gonop ngodad, ni ba ga’ ko llowan’ rok e gamanman nge arche’.

Psalms 8:6

Kam tayrad ni ngar gagiyeg niged urngin ban’en ni kam sunumeg, kam tayrad ni yad ba tolang ngak urngin ban’en:

Matthew 12:12

Ma ba girdi’ e ka ba ga’ fan ngak ba saf! Ere Motochiyel rodad e ra pagdad ni ngad ayuwegned be’ ko chirofen ni Sabbath.”

Matthew 6:26

A mu guyed e arche’ ni yad be chachangeg: darir yunged awochngin e woldug, fa ra kunuyed e woldug nike el ngar ted nga naun; ma Chitamangimed nu tharmiy e be ayuwegrad! Gathi ka ba ga’ famed ngak e arche’?

Luke 21:18

Machane dariy ta’ab gaf i piyan lolugmed nra yan romed ngabang.

Acts 27:34

Ere wenig ngomed mu abichgad nge siy kum m’ad; ya mus nga ba gaf i piy u lolugen bigimed ma dabi thay.”

1 Samuel 14:45

Machane me ga’ar fapi girdi’ ngak Saul, “Mog, i Jonathan nike ayuweg piyu Israel kar gelgad ko re mael ney e ngan li’ ngem’? Dangay! Kug micheged nga fithingan SOMOL ni be par nib fos ni mus nga ta’ab gaf i piyan lolugen ma dabi mul. Ya n’en ni rin’ e daba’ e Got e ayuweg nge rin’.” Aram rogon ni ayuweg e girdi’ Jonathan nge dakun thang e fan rok.