Luke 12:31 - Bible Ni Thothup

³¹ Ere gagiyeg rok Got e ir e ngam m’oneged u wun’med, ma aram me pi’ e pin’ey ngomed.”

Luke 12:31 Iomraidhean Croise

Psalms 34:9

Gimed urngin e girdi’ rok SOMOL, e ngam pired ni bay madgun u wun’med; ya pi’in bay madgun u wun’rad e bay rorad urngin e tin nge yag ngorad.

Psalms 37:19

Mra yib e gafgow nga daken e nam ma dab ra gafgowgad; ra yib e uyongol ma ba gaman e ggan rorad.

Psalms 37:25

U gu moy ni ku gub pagel, ma chiney e ku gu pilibthir; ma dawor gguy be’ nib mat’aw nike n’ag SOMOL, ara gguy pifak ni yad be man ggan.

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Luke 10:42

machane ri ta’reb e ir e dabisiy ni nge yag. Me Maria e ke mel’eg e bin ni ir, ma dab ni fek rok.”

Luke 12:30

(Ya girdi’ nu roy u fayleng ni pi’in yugu boch e kan e yad be meybil ngorad e gubin ngiyal’ ni yad be gayiy urngin e pin’ey.) Ya Chitamangimed e manang ndabisiy ni nge yag e pin’ey ngomed.

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”