Luke 12:1 - Bible Ni Thothup

¹ Nap’an ni mu’ulung yu biyu’ e girdi’ nga ta’bang ni be yit’ boch i yad boch i yad, ma som’on e ga’ar Jesus ngak e pi gachalpen, “Mu ayuweged gimed ko is rok e pi Farise — n’en ni gu be yip’ fan e dake moding ni yad be tay.

Luke 12:1 Iomraidhean Croise

2 Kings 7:17

Ma ke tay fare pilung fa’anem nma un ngak ni ir e nge mil fan e garog ngak nge rogon ni nge yan e girdi’ riy. Ma daki fol e girdi’ rok miyad yot’ nga but’ ngranod u daken, me yim’ ni bod ni yog Elisa ngak ko fa ngiyal’nem ni yan fare pilung ni nge guy Elisa.

BABYOR NI JOB 20:5

ma dariy reb e girdi’ nib kireb nike par nib felfelan’ nib n’uw nap’an.

BABYOR NI JOB 27:8

Mang e bay nma l’agan’ e pi’in nde nang Got ngay ko re awa ni nge fek Got e yafos rorad?

BABYOR NI JOB 36:13

Pi’in ndar nanged Got e yad ma par ni yad ba damumuw, ni mus ko ngiyal’ ni kan gechig nagrad, mdarir meybilgad ngar ninged e ayuw.

Isaiah 33:14

Girdi’ nu Zion ni yad ba sug ko denen e yad be t’on ko marus. Be lungurad, “Gechig rok Got e bod ba nifiy ni be yik ndariy n’umngin nap’an. Gur rayag rok bagadad ni nge dabi yim’ u ba nifiy ni aram rogon?”

Luke 11:44

Kari mu gafgowgad! Gimed bod e yam’ ni kan k’eyag ndariy e pow riy be yan e girdi’ u daken ndarir nanged.”

Luke 12:56

Gimed e pi tadake moding nir! Rayag ni ngam changargad ko but’ nge lang mi gimed yog rogon; ere mang ndamur nanged fan e re ngiyal’ i n’ey ni chiney?”

Luke 5:1

Bay ba yay nib sak’iy Jesus u dap’e ran ko lipath nu Gennesareth ma be apinpin e girdi’ i yib ngak ngam’on ni ngar motoyilgad ko thin rok Got.

Luke 5:15

Machane fini aram e wear murung’agen Jesus i yan, mi i yib e girdi’ ni pire’ ni pire’ ngak ngar motoyilgad ngak me gol nagrad ko liliy rorad.

Luke 6:17

Marbad e pi apostel u daken e burey nga but’, me yib i sak’iy Jesus nga daken e tagapas, ni yad boch i gachalpen ni pire’. Ma bay e girdi’ u rom ni pire’ ni pire’ nike mu’ulung, ni girdi’ ni yib u gubin yang u Judea, ngu Jerusalem, nge pi binaw nu Tyre ngu Simon nib chugur ko day;

Acts 21:20

Fa’anra motoyilgad ngak nge mu’ miyad pining e sorok ngak Got ni yad gubin. Ma aram me lungurad ngak Paul, “Walagmad, ga manang ni bo’or i biyu’ e girdi’ nu Israel nike mich Jesus u wun’rad, ma yad gubin ni yad be tiyan’rad ko fare Motochiyel.

1 Korinth 15:3

Kug pi’ ngomed e tin ni yag ngog ni ir e ba th’abi ga’ fan, ni aram e Kristus e yim’ ni bochan e denen rodad, ni bod rogon ni bay ni kan yoloy u lan e babyor nib thothup;

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

James 3:17

Machane bin som’on e fare gonop ni yib u tharmiy e bmachalbog; ma ku errogon nma fal’eg thiliy nge aw e gapas riy, ma ma sumunguynigey, ma ma fal’eg owchey nge thin ngak e girdi’, ma ba sug ko runguy ma ma k’uf ni ngongol ni bfel’; ma ma ta’reb rogonnag e girdi’ u wun’uy ma der ma dake modingnigey.

1 Peter 2:1

Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!