Biblia Todo Logo
Bìoball air-loidhne

- Sanasan -




Luke 11:9 - Bible Ni Thothup

9 Ere be lungug ngomed: Mu ninged, me yag ngomed; mu gayed, mi gimed pir’eg; mu tugtuguyed e mab, min bing e mab ngomed.

Faic an caibideil Dèan lethbhreac




Luke 11:9
40 Iomraidhean Croise  

U fithik’ e ngochngochan’ rog mu gu pining SOMOL, me fulweg lungug nge chuwegeg u fithik’.


Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.


Ke lungum, “Moy ngog.” Ere bay gub ngom, SOMOL;


Mus ngak e pi layon ni m’ay garad nge yib e bilig ngorad, ma pi’in yad be fol rok SOMOL e gubin ban’en ni bfel’ ma bay rorad.


Gu meybil ngak SOMOL me fulweg taban e meybil rog; i chuweg urngin e marus rog.


Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”


Gu bing e mab ngak gamareg, ma dakimo’ nike yan. Kargum’ ni bochan ni nggu rung’ag laman! U gu changarnag i yan mada gu pir’eg; U gu pining made fulweg lungug.


Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”


Ma aram e bay um pininged gag. Ma bay um bad ngu’um meybilgad ngog ma bay gu fulweg taban e meybil romed.


“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.


Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.


Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”


Ere mini’ rok fa gal i nem e rin’ e tin ni ba’adag e chitamngin?” Miyad fulweg ngak ni lungurad, “Fa bin ba ilal.” Me ga’ar Jesus ngorad, “Ba’aray ban’en ni nggog ngomed ni nge lungug, pi’in ntamukun tax nge pi’in ni ppin ni yad ma chuway’ ngorad e yad be un ko gagiyeg rok Got ni kar m’onod romed.


Machane nggog ngomed, ni mus ngak Solomon, ni aram feni yo’or ban’en rok, ma da immoy e mad rok ni bod feni fel’ ya’an reb e pi floras nem.


Aram fan ni gu be yog ngomed, ni ngiyal’ ni gimed ra meybil ni kam ninged ban’en ni ngan pi’ ngomed, me pagan’med ngay nike yag ngomed, ma aram e urngin fa pin’em ni yira pi’ ngomed.


Ere fa pin’en ni kugog ngomed e kugog ngomed ni gimed gubin, ni aram e be lungug: Mu tedan’med ko matanag!”


Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.


Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.


Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.


Fa’anra mpired u fithik’ag, me par e thin rog u fithik’ i lanin’med, ma aram e gimed ra ning e tin ni gimed ba’adag, min pi’ ngomed.


Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”


Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.


Mu telmed ko n’en ni be yog Got: “Kug motoyil ngom ko fare awa nib m’agan’ug ngay, kug ayuwegnem ko fare rran ni ngam thap ngak Got.” Mmotoyil! Ireray e re awa ni nge ayuwegey Got, daba’ e ireray e re rran ni ngan thap ngak Got!


Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.


Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.


Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.


Re meybil ney ni yira tay u fithik’ e michan’ ngak Got e ra golnag fare m’ar; i Somol e ra chuweg e m’ar rok, ma pi denen nike ngongliy e ra n’ag Got fan.


Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.


“Machane gimed e tin ni kigimed bay u Thyatira e dawor mfolgad ko tin nib kireb ni be fil Jezebel; dawori mit ngomed e n’en nike ga’ar boch e girdi’ e “tirok’ Satan ban’en nrib mith.” Nggog ngomed ni dab kug tay yugu ban’en nib tomal nga daken pomed.


Lean sinn:

Sanasan


Sanasan