Luke 11:48 - Bible Ni Thothup

⁴⁸ Gimed ma kam micheged ko ngongol romed ni bfel’ u wun’med e n’en ni rin’ e pi chitamangimed; ni bochan e ra thanged e fan rok e pi profet, ma kam ngongliyed e malang rorad.

Luke 11:48 Iomraidhean Croise

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

BABYOR NI JOB 15:6

Dariy fan ni nggu turguy e kireb rom; ya gubin bug e thin ni kamog e ke turguy e gechig rom.

Psalms 64:8

Bayi thangrad ni bochan e pi thin nem; gubin e pi’in nra guyrad miyad chichingeg lolgurad.

Ezekiel 18:19

“Machane bay mfith ni lungum, ‘Mangfan ndabi gafgow fare pagel ni bochan e denen rok e chitamngin?’ Fulweg riy e fare pagel ni fak e i rin’ e tin nib mat’aw ma bfel’. I tiyan’ ko pi motochiyel rog ngi i fol riy, ere mmudugil nra par nib fos.

Matthew 23:27

“Kari mu gafgowgad e pi’in tamchib ko Motochiyel nge gimed e pi Farise! Ya gimed be dake moding niged gimed! Gimed bod malangen e yam’ ni kan achey wuru’ ko wech, ni bfel’ ya’an u wuru’ ma ba sug lan ko yil nge meal.

Matthew 23:31

Ere kar mogned ni gimed owchen e pi’in nra li’ed e pi profet ngarm’ad!

Luke 11:47

Kari mu gafgowgad! Rib fel’ e malang ko pi profet ni kam ngongliyed — ni fapi profet ni pi chitamangimed e ra thanged e fan rorad kakrom.

Luke 11:49

Ireray fan ni ga’ar e Gonop rok Got, Bay gu l’oeg e pi profet ngorad nge pi’in nge fek e thin rog i yan ngorad, ma bay ra li’ed boch i yad miyad gafgownag boch.

Roma 1:32

Yad manang ni motochiyel rok Got e be yog ni girdi’ ni be ngongol ni aray rogon e bay rogon ni ngan li’rad ngarm’ad. Machane ka yad be ngongliy e pin’ey i yan — gathi kemus ara’, ya ku bfel’ u wun’rad e pi’in yad be rin’ e pi ngongol nem.

James 5:10

Pi walageg ni girdi’en Kristus, mu tafinay niged fapi profet ni yad owchen Somol ni ur weliyed e thin rok. Mu filed rorad rogon e gumaen’ nge kadan’ ni ur ted u tan e gafgow ni un tay ngorad.

Joshua 24:22

Me ga’ar Joshua ngorad, “Gimed e kam manged mich romed ko re bugithin nir ni kam duwgiliyed ni ngu’um pigpiggad ngak SOMOL.” Me lungurad, “Er rogon, kug pired ni gamad e mich riy.”