Luke 11:22 - Bible Ni Thothup

²² Machane ra yib be’ nib mo’on ni kab gel ngak me yib i li’, nge fek urngin e talin e cham rok ni ir e i pagan’ ngay me f’oth rok e girdi’ e tin ni iring fa’anem.

Luke 11:22 Iomraidhean Croise

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

Exodus 15:9

Me ga’ar e to’ogor, ‘Nggu lol’ograd nggu kolrad; mu gu tay e f’oth ko machaf rorad nggu fek gubin e tin gu ba’adag; bay gu girengiy e saydon rog nggu fek urngin e tin ni bay rorad.’

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Isaiah 53:12

Mu gu pi’ ngak tagil’ ni ngu’un tay fan riy, ni bang u fithik’ e pi tagil’ ko girdi’ nib sorok ma ba gel gelngirad. Pi’ ir ngan li’ ngem’, min ta’reb rogonnag ngak e girdi’ nike th’ab e motochiyel. Me yan i fek luwan e pi tadenen ni pire’, me meybil ni nge n’ag Got fan e denen rorad.”

Luke 11:21

“Be’ nib mo’on nib yargel e ra ngongliy rogon talin e cham rok ni urngin nge matanagiy e tabinaw rok, ma urngin e chugum rok ni dabi buch ban’en riy.

Luke 11:23

“En ni gathi gamow ngabang e ri be togopluw ngog; ma en nder un ngog i kunukunuy e aram e ri be wereg.”

Efesus 6:11

Mon’ed nga dakenmed fare armor ni pi’ Got ngomed ni polo’, nge yag ni ngam togopluwgad ko pi ban rok mo’onyan’.

Efesus 6:13

Ere mfeked e armor ku Got e chiney! Ya nge taw ko chirofen nike taw e kireb riy, mrayag ni ngam ayuweged gimed rok e to’ogor romed ni be cham ngomed, ya ngam chamgad nge mada’ ko tomur, ma kigimed bay u tagil’med, ndawor ni tharbegmed.

Kolose 2:15

Mu daken e re kuruth nem e ir e chuweg Kristus ir riy u fithik’ i gelngin e pi kan nib kireb nma gagiyeg nge pi kan nma tay murung’agen ban’en; ni aram e ke gel ngorad min sebaliyrad nike m’on be fekrad i yan ni kar manged kalbus rok.

1 John 3:8

Ma en nra i denen i yan e ke par nike mil suwon ngak fare mo’onyan’, ya fare mo’onyan’ e ke denen ko tabolngin. Ireray fan ni yib i m’ug Fak Got, ni bochan e nge kirebnag e maruwel rok e re mo’onyan’ nem.

1 John 4:4

Machane gimed, pifakag, e bmil famed ngak Got, ma kam gelgad ko fapi profet ni go’ bogi ban’en; ya fare Kan Nthothup ni bay u fithik’med e kab gel ngak fare kan ni bay u fithik’ e pi’in nib mil farad ngaray nga fayleng.