Luke 10:15 - Bible Ni Thothup

¹⁵ Me gur yu Kapernaum! E ga ba’adag ni ngam tolang nigem ngam tun ko tharmiy? Bay non’em nga but’ nga fithik’ e nifiy ni dabi math bi’id!”

Luke 10:15 Iomraidhean Croise

Genesis 11:4

Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”

Isaiah 5:14

Fayleng ko yam’ e ke par ni be son nagrad, kefal langan nib ga’. Ni be ful’ e pi tayugang’ nu Jerusalem nib mu’un e yug girdi’ ngay ni yad be mayngar.

Jeremiah 51:53

Fa’an mang e rayag ni yan yu Babylon nga lanelang nge toy e tagil’ nib gel u rom, ma kug ra l’oeg e girdi’ ni ngar kireb niged. I Gag SOMOL e kugog e pi thin ney.”

Ezekiel 26:20

Ma aram e bay gu l’oegem nga’ar ko fayleng ko yam’ ngam pired fapi girdi’ ni urmed kakrom. Bay gu tem u rom ko fare fayleng u tan e but’ u fithik’ e tin ke mogoth ni dariy n’umngin nap’an, ni nge mang gimed e pi’in ni karm’ad e ngu’um puruy’gad. Ma aram ma ga par ni gab binaw ni dakriy be’ riy ma dabkiyag ni ngam sul ko gin ummoy riy ko fayleng rok e pi’in nib fos.

Ezekiel 31:18

Fare ke gek’iy e aram fare pilung nu Egypt nge urngin e girdi’ rok. Dariy baken e gek’iy u Eden ni aram fani n’uw ni bfel’ ya’an. Ma chiney e ke bod ya’an e gek’iy nu Eden, bayi yan nga’ar ko fare fayleng ko yam’ nge cheag ko pi’in tadenen nge pi’in li’rad ko mael. I Gag e gu be non i Gag SOMOL ni Th’abi Tolang.”

Ezekiel 32:18

“Fak e girdi’, mu dololoy’nag urngin e girdi’ nu Egypt. Mon’rad nga’ar nib cheag fapi nam ngay nib gel gelngirad ngranod ko fayleng ko yam’.

Ezekiel 32:20

“Girdi’ nu Egypt e bay ra mulgad ngar uned ngak e pi’in nni thang e pogofan rorad ko mael. Kan mu’ i fal’eg rogon e saydon ni nge li’rad ngarm’ad ni yad gubin.

Ezekiel 32:27

Dan tay fan e gum’eyag rorad ni bod e gume’yag rok e pi’in nib gilbugwan kakrom, ni yima k’eyagrad ngaranod ko fayleng ko yam’ nib mu’un talin e cham rorad ngorad, pi saydon rorad e yima tay nga tan lolugenrad ma yung i shield rorad e yima ta’ nga daken e ldow rorad. Yad bogni’ ni yad ba gilbugwan nib gaman gelngirad ni ur karnged e marus ko pi’in nib fos.

Obadiah 1:4

Yug aram rogon ni kam ngongliy tafnam ni bod feni tolang tafen e arche’ ni eagle ni yira ga’ar ke ma’thuk nga fithik’ e t’uf, ma ngug girngiyem nga but’.

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Matthew 11:23

Me gur yu Kapernaum! E gab adag ni gam tolang nigem ngam tun ko tharmiy? Bay non’em nga but’ nga fithik’ e nifiy ni dabi math bi’id! Ya pi maang’ang ni kan ngongliy rom e fa’an mang e ni ngongliy u Sodom, ma kabay yu Sodom e bin daba’ e rran!

Matthew 4:13

Ma de par u Nazareth, machane me yan i par nga Kapernaum, nib binaw ni bay u to’oben e lipath nu Galile, ni bay u lan e nug nu Zebulun nge Naftali.

Luke 13:28

Ri bay um yorgad ma be chachafin nguwelmed ko ngiyal’ ni bay mu guyed Abraham, nge Isak, nge Jakob, nge urngin e pi profet ni yad bay ko gin nsuwon Got, ma kan taymed u wuru’!

Luke 16:23

Me yan i par nga Hades nga fithik’ e amith ni ba ga’; me changar ngalang me guy Abraham nib mal’af, ni bay Lazarus u baraba’ i to’oben.

Deuteronomy 1:28

Mangfan nthingar darod ngaram? Ni gadad be rus. Fapi pumo’on nda l’oegedyad e karogned ngodad ni pi girdi’ ni bay u rom e yad ba gel ma yad bn’uw ngodad. Ma pi binaw ni yad be par u langgin e go’ kan yororiy nrib tolang nga lanelang. Kar guyed e girdi’ u rom nib n’uw ma yad ba tagyet!’

2 Peter 2:4

Ya fapi engel nra denengad e de ta’rad Got, ya tharbegrad nga infiyerno, ni aram e gin kan chen nagrad riy u fithik’ e lumor, yad be sonnag e Rofen ni Pufthin.