Luke 1:69 - Bible Ni Thothup

⁶⁹ Ya ke pi’ be’ ke yib nib gel gelngin nrayag rok ni nge thapegdad ngak Got, ni be’ ni ir reb i owchen David ni tapigpig rok.

Luke 1:69 Iomraidhean Croise

2 Samuel 22:3

Got rog e ir e manaf rog, gu be par rok ndabi buch ban’en rog; ma yoror rog ni bod bangi shield nma fek e salthaw ngu’ur mithgad nga fon ko mael; ma par rog ndabi buch ban’en rog. Ir e ma ayuweg e pogofan rog; ma ayuwegneg ko ngiyal’ nike yib e cham ngog.

2 Samuel 7:26

Bay um par nib gilbuguwam ndariy n’umngin nap’an, ma girdi’ e bay i lungurad, ‘I SOMOL ni Gubin ma Rayag Rok e ir e Got rok piyu Israel.’ Ma bay um gagiyegnag ngi i par ni pi’in ni owcheg e gubin ngiyal’ ni yad be pilung.

1 Kings 11:13

Ma dab gu chuweg e gagiyeg ko pilung ni ga’ngin u pa’; ya bay gu pag ta’reb e ganong ngi i gagiyegnag ni bochan e tapigpig rog i David ma ku fan nga Jerusalem ni gag e gu turguy ni nge milfan ngog.”

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 89:17

Ga ma gel nagmad ko pi cham; u fithik’ e t’ufeg rom ngomad e kam gel nagmad riy,

Psalms 89:3

Ke lungum, “Kug ngongliy e m’ag u thilmow fare mo’on ni gag e gu mel’eg; kug micheg bbugithin ngak e tapigpig rog i David nike lungug,

Jeremiah 30:9

Ma bayi mang gag SOMOL, ni Got rorad e bay ur pigpig gad ngog, nge be’ ni owchen David ni ir e bay gu pilungnag.

Ezekiel 29:21

“Ezekiel, nap’an nra waer yu Egypt, mug gelnag e girdi’ nu Israel, ma bay gu pi’ gelngim ni nge yag ni mu non ngorad. Ma aram e bay ra nanged ni Gag fare SOMOL.”

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Matthew 1:1

Ireray babyoren e pi ga’ rok Jesus Kristus, ni be’ ni owchen David, me David e be’ ni owchen Abraham.

Mark 11:10

I Got e nge ayuweg e gagiyeg ni bay yib, ni gagiyeg ni i tay David! Ke sorok Got!”

Revelation 22:16

“I gag Jesus e kug l’oeg e engel rog ke yib ni nge weliy e pin’ey ngomed e pi’in ni gimed girdi’en e pi galesiya. I gag fa’anem ni owchen e tabinaw rok David; mi gag fare fasuran ni ba ga’ ram’en.”

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”