Luke 1:48 - Bible Ni Thothup

⁴⁸ Ya ke leam nigeg, i gag e re tapigpig rok ni gub sobut’! Ma chiney i yan ngaram e bay i yog e girdi’ ko urngin e mfen nike fal’eg Got wa’athag,

Luke 1:48 Iomraidhean Croise

Genesis 30:13

me ga’ar Leah, “Kar gu felan’! Chiney e bayi yog e pi’in ni ppin ni kug felan’”; ma aram me tunguy fithingan fachi pagel ni Asher.

2 Samuel 7:8

“Ere mog ngak e tapigpig rog i David, ni SOMOL ni Gubin ma Rayag Rok e be ga’ar ngak, ‘Ga be gafaliy e saf u daken e yungi ted i yan mu gu fekem nggu tem ni gur e ngu’um gagiyegnag piyu Israel ni girdi’ rog.

Psalms 102:17

Bayi rung’ag laman e girdi’ rok nike n’agrad me motoyil ko meybil rorad.

Psalms 136:23

De pag taldad ko ngiyal’ nda mo’waergad; t’ufeg rok e ba manemus;

Psalms 138:6

Yug aram rogon nri gab tolang ngalang, ma ga ma runguy e pi’in yad ba sobut’, ma pi’in ba tolangan’rad e dabyag ni ngar mithgad rom.

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Malaki 3:12

Ma aram e girdi’en urngin e pi nam e bay rogned ni gimed ba felan’, ni bochan e bayi par e nam romed ni ba nam ni bfel’ ni ngu’un par riy.”

Luke 1:28

Me yib fare engel i ga’ar ngak, “Nge yib e gapas ngom! I Somol e bay rom, ma ke fal’eg wa’atham ni ba ga’!”

Luke 1:42

me non ni ba ga’ laman ni ga’ar, “I gur e ke fal’eg Got wa’atham u fithik’ e bpin! Ma ke fal’eg Got wa’athan e re tir ni bay mu gargelnag!

Luke 1:45

I pagan’um ngak Somol ko tin ni yog ni bay rin’ ngom, aram fan ni kari mfelan’!”

Luke 1:49

ni bochan e pin’en ni yira ngat ngay nike rin’ Got ngog, ni Got nib Th’abi Gel Gelngin. Ma fithingan e ba thothup;

Luke 11:27

Fa’ani mu’ i yog rok Jesus e re bugithin ney, me non be’ ni bpin ngak u fithik’ fapi girdi’ ni aram urngin ni ga’ar, “Kari felan’ e re pin ni ir e gargelnigem mi i duruw’iyem nga thuthun!”

1 Samuel 1:11

Me micheg Hannah bbugithin ni ga’ar, “SOMOL ni Gubin ma Rayag Rom, mu sap ngog i gag e tapigpig rom! Mu guy e gafgow ni kug tay ngam leam nigeg! Dab mu pag talig! Fa’an ga ra gagiyegnag nggu diyennag ba pagel, ma gu be micheg ngom ni bay gu pi’ ngom nge mil fan ngom u n’umngin nap’an e yafos rok, ma dariy e ngiyal’ ni yira th’ab piyan lolugen.”

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.