Levitikus 3:6 - Bible Ni Thothup

⁶ Fa’anra ba gamanman ni saf fa kaming e fanay be’ ni maligach ni fan e nge gapas thilin Got nge ir, ma demturug ko pumo’on fa bpin fare gamanman, machane ba gamanman ndariy bang u downgin nib kireb.

Levitikus 3:6 Iomraidhean Croise

Isaiah 60:7

Urngin e saf nu Kedar ngu Nebayoth E bay ni fek i yib ngom ni nge mang maligach, Ni ngan pi’ ngak SOMOL u daken e altar ya nge felan’ SOMOL. SOMOL e bayi gelnag feni maluplup’ e Tempel rok.

Levitikus 1:10

Fa’anra nge pi’ facha’ reb e saf fa reb e kaming rok, ma dabisiy nib gamanman ni pumo’on ndariy bang u downgin nib kireb.

Levitikus 1:2

ni fan ngak piyu Israel ni ngu’ur folgad riy ko ngiyal’ ni yad be pi’ e maligach rorad. Ra nge pi’ be’ ba maligach ni gamanman, ma reb e garbaw rok, fa reb e saf rok, ara reb e kaming rok.

Levitikus 19:5

“Fa’an gimed ra li’ ba gamanman ni maligach nma gapaseg thilin Got nge girdi’, ma ngam rin’ed gafalngin ni kug pi’ ngomed, mra fel’ u wun’ug e maligach ni ngam pi’ed.

Levitikus 22:20

Fa’anra ga ra pi’ ba gamanman ni bay bang u downgin nib kireb, ma dabi fel’ u wan’ SOMOL.

Levitikus 23:19

Ma ngkum pi’ed reb e kaming ni pumo’on ni maligach ko denen, nge l’agruw e saf ni pumo’on ni ta’reb e duw rorow nib maligach ni nge gapaseg thilin Got nge girdi’.

Numbers 6:14

ngam pi’ ngak SOMOL dalip i gamanman ndariy bochiyang u downgirad nib kireb: ba pifak e saf nib pumo’on nta’reb e duw yangren ni nge mang maligach ni mo’oruf, nge ba fak e saf ni bpin ni ku ta’reb e duw yangren ni nge mang ba maligach ni fan ko denen, nge ba saf ni pumo’on ni nge mang maligach nma gapaseg thilin Got nge girdi’.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Galatia 4:4

Machane fa’ani taw nga nap’an e ngiyal’ ni duwgiliy Got, me pi’ Got Fak nge yib. Me yib ni ba girdi’ e chitiningin, mi i par u tan fare Motochiyel rok piyu Israel,

Efesus 1:10

N’en nike mu’ i leamnag rok Got ni nge rin’ e bay fini taw nga nap’an me libguy, ni aram e nge kunuy urngin e tin ni sunumeg ban’en nga ta’bang, ni urngin ban’en ni bay u tharmiy ngu but’, me par Kristus ni ir e llug riy.