Levitikus 24:16 - Bible Ni Thothup

¹⁶ yira thang e fan rok. Demturug be’ nu Israel ara be’ nu bang nma par u fithik’ yu Israel nra dariyfannag fithingan SOMOL, e ra malangnag yu Israel ni yad gubin nge yim’.

Levitikus 24:16 Iomraidhean Croise

2 Samuel 6:2

me fekrad nga Baalah ni bay u lan yu Judah, ni ngar feked fare Kahol ko M’ag rok SOMOL ni bayriy fithingan SOMOL ni Gubin ma Rayag Rok, ni be par u tagil’ u thilin fa gali n’en ni bay pon ni kerubim fithingan.

Psalms 139:20

Yad be yog bogi n’en nib kireb nib togopluw ngom; ma yad be yog e thin nib kireb nib togopluw nga fithingam.

Psalms 74:10

A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

Psalms 74:18

A SOMOL, dabi m’ay u wun’um ni be minmin e pi to’ogor rom ngom, ni bogni’ ni dariyfam u wan’rad ma dubrad gur.

Exodus 20:7

“Dab i un fithingag u l’ugunmed ni yugu dariy fan, I gag fare SOMOL ni Got romed, e gu ra gechignag e pi aromed ni be dariy fannag fithingag.

Exodus 22:28

“Dab mu yabi’iy Got, ma dabmog ni nge buch wa’athan e cha’ nma gagiyeg nagmed.

Levitikus 20:2

ni nge yog ngak e girdi’ nu Israel ni nge ga’ar, “Demturug bigimed ara be’ u reb e nam ni be par u fithik’med nra pi’ reb i pifak ngak fare got ni Molek e thangri malangnag piyu Israel facha’ nge yim’.

Matthew 12:31

Ireray fan ni nggog ngomed: ni girdi’ e demturug e re denen ni kar rin’ed ara n’en nib kireb ni karogned mrayag ni nge n’ag Got fan rorad; machane en nra yog e thin nib kireb nib togopluw ngak fare Kan Nthothup e dabi n’ag Got fan rok.

Matthew 26:66

Ere ke uw rogon u wun’med?” Miyad fulweg ni lungurad, “Ba kireb e rok, ere thingar nli’ ngem’.”

Mark 14:64

Kam rung’aged ko thin nike yog nib kireb, ya be n’ag fan Got. Ere uw rogon ni gimed be finey?” Mi yigo’o ra towalgad nib togopluw ngak ni be lungurad, “Ba kireb e rok, ere ngan li’ ngem’.”

John 19:7

Me fulweg yu Israel ngak ni lungurad, “Bay ba motochiyel romad ni be yog nthingari yim’, ya keyog ni ir e Fak Got ir.”

Acts 26:11

Bo’or yay ni gog ni ngan gechig nagrad u gubin lan tafen e mu’ulung, mu gguy rogon ni ngug gelnigeg ngorad ngrogned nde mich Jesus u wun’rad. Ug wan ko pi binaw i yan ni bay nga wuru’ yu Israel ni fan e ngug gafgow nagrad ni bochan e kar gu damumuw ngorad.

Acts 7:58

Miyad girengiy i yan nga wuru’ e binaw miyad malangnag u rom. Ma fa pi’in nra welthingad nib togopluw ngak Stefen u lan tafen e mu’ulung e ra pi’ed e thal ni wuru’ e mad rorad ngak be’ nib mo’on ni kab pagel ni Saul fithingan ni ngi i guy.

1 Timothy 1:13

ni yugu aram rogon nib kireb e thin ni ugog nib togopluw ngak kakrom, mu ug gafgownag ma gu be yog e thin nib kireb nga fithingan. Machane me runguyeg Got, ya de mich Kristus u wun’ug e ngiyal’nem, ni aram e dagur nang e n’en ni gu be rin’.

James 2:7

Ma yad e picha’ ni yad ma yog nga dalib fare ngachal ni bfel’ nike pi’ Got ngomed.