Levitikus 16:2 - Bible Ni Thothup

² I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Levitikus 16:2 Iomraidhean Croise

1 Kings 6:16

Reb e senggil u lan e Tempel ni kanog e Gin Th’abi Thothup ngay e bay ko ba’ ni tabgul; 30 e fit radan, ma rungrung riy e ren ni cedar e ni fanay ngay ni tabab ko faraf u but’ nge yani thang ko tenjio ngalang.

1 Kings 8:6

Me fek e pi prist fare Kahol ko M’ag nga langgin fare Tempel ngranod ra ted ngalan e Gin Th’abi Thothup, u pulwon pon fa gal Kerubim nga but’.

Exodus 30:10

Ta’bayay u reb e duw ni nge machalbognag Aron fare altar ni rogon ko motochiyel, ni aram e nge tay e racha’ ko fa aningeg i gagey u tabthungen fare altar, nracha’en fare gamanman ni maligach ko denen. Ren’ey e ngu’un rin’ ni gubin e duw i yan ngaram. Re altar ney e nge par ni ga’ngin nib thothup, ni kan ognag ngog, i Gag SOMOL.”

Levitikus 16:13

Mu rom u p’eowchen SOMOL e nge tay fapi incense riy nga daken fapi kol ni be yik’ nge yan e ath riy i ing upungen fare Kahol ko M’ag, ya ri guy Aron nge yim’.

Levitikus 16:34

Pi gafal ney e nge par ni ngu’un fol riy e chiney i yan ngaram. Ren’ey e ra reb e duw ma ta’ab yay ni ngan rin’, nge machalbognag e girdi’ nu Israel ko urngin e denen rorad. Me rin’ Moses ni bod nike yog SOMOL.

Levitikus 8:35

Thingar mu pired u langan e mab ko fare Tent ni rran nge nep ni medlip e rran, ni gimed be rin’ e tin ni yog SOMOL. Ya fa’anra dangay, ma gimed ra yim’. Irera’ e n’en ni yog SOMOL ngog ni nggu rin’.”

Numbers 17:10

Me ga’ar SOMOL ngak Moses, “Mu fulweg e ley rok Aron e sog ngam tay nga mit fare Kahol ko M’ag. Nge mang ba puguran ngak e pi’in nu Israel ni be togopluw ni yad ra y’im ni fa’anra dab ra talgad ko gun’gun’.”

Numbers 18:7

Kemus ni go’ gur nge pifakam ni pumo’on e bmilfan e maruwel ko liw ko prist ngomed, nib l’ag rogon ko altar nge tin bay u langgin e Gin Th’abi Thothup. Pin’ey e bmil fan ngomed, ya kug pi’ ngomed e binem e liw ni prist nib tow’ath. Ra yib yug be’ nga charen ban’en nib thothup nda npi’ mat’won ma yira thang e fan rok.”

Numbers 4:19

ngan li’rad ni bochan e kar chugurgad ko pin’ey nib th’abi thothup. N’en nra rin’ ma dabi buch ban’en rok e pi cha’ney e nge yan Aron nge fapi pumo’on ni pifak ngalan fare Tent nge bagyad fapi girdi’ rok Kohath minog ngak e tin nge rin’ nge tin nge fek.

Numbers 4:5

Ra taw nga nap’an ni ngan n’ag gil’iy ni aram e ngan pug e Tent, me Aron nge pi pumo’on ni pifak e yad ra yan ngalan fare Tent, ngar pilged nga but’ fare gi kateng ni kan tining ngalang ni be rungrunguy fare Kahol ko M’ag, mra upunguyed fare Kahol ko rengi kateng nem.

Matthew 27:51

Ma aram e fa gi mad ni kan tining ngalang u Tempel e mogchoth u lang nga but’, nge par nike l’agruw yang. Me rur e but’, me pil e war,

Hebrews 6:19

Re pagan’ nem e kemang angkar rok lanin’dad, ya be par nib muduwgil, ma ke yan ke kuruf fa gi kateng ko Tempel nu tharmiy ke yan i par ngalan fare senggil ni ir e th’abi thothup ko Tempel.

Hebrews 9:25

Prist ni Th’abi Ga’ nu Israel e gubin e duw nma yan ngalan e Gin Th’abi Thothup nike fek racha’en e gamanman i yan. Machane i Kristus e de yan ngalan ni nge pi’ ir ni maligach ni bo’or yay;

Hebrews 9:3

Mu wuru’ e gin migid e mad ni kan pag u lang nga but’ e bay reb e senggil riy nike lunguy fa Gin Th’abi Thothup.

Hebrews 9:5

Mu daken e re kahol nem e bay fa gali liyos riy ni ya’an e kerubim ni bay pon ni pow riy ni bay Got u rom, kar upunguyew porow nga daken fa gin’en ni ir e yima n’ag fan e denen riy. Machane gathi ireray e ngiyal’ ni ngan weliy urngin ban’en ngari tamilang.

Revelation 15:8

Ma fare Tempel e ke sug ko ath ni yib u ram’en nge gelngin Got, ma dariy be’ nrayag ni nge yan ngalan fare Tempel nge yan i mada’ ko ngiyal’ ni ba’aram nra yan i m’ay fa medlip i gafgow nike fek fa medlip i engel i yib nga fayleng.