Levitikus 11:7 - Bible Ni Thothup

⁷ Ma dab mu longuyed e babiy. Thingar mu ted nib ta’ay; ya ba madar buguli ay ma der ma kunuy gan ngalan k’angan fini yengyeng.

Levitikus 11:7 Iomraidhean Croise

Isaiah 65:4

Ra nep’ miyad yan ko yiy nge malangen e yam’ ni ngar fithed lanyan’ e thagith. Yad be longuy e babiy, ma yad be unum logowen e ufin ko gamanman ni maligach u daken e altar rok e pi’in ndar nanged gag.

Isaiah 66:17

Be ga’ar SOMOL, “Ke chugur nga tomuren e pi’in yad be bangbeng niged yad ko pigpig nga yug boch e got, ni yad be thelap i yan ko milay’ nib taliw, yad ma longuy e babiy nge boro’ nge ku boch e ggan nib sosonogor.

Isaiah 66:3

“Girdi’ e yad ma rin’ e n’en ni yad ba’adag. Ta’ab rogon u wan’rad ni yad gubin ko kar li’ed ba garbaw ni maligach ara kar maligachgad nga ba girdi’; ara ba saf e rmaligachgad ngay ara ba pilis e kar t’ared k’angan; ara ra pi’ed e grain ara racha’en e babiy; ara ra pi’ed e incense ara rmaybilgad ko liyos. Yad ma felfelan’ u rogon e pi tayfan ney ni yad ma rin’ nrib sonogor.

Levitikus 11:3

ni tin nib dar buguli ay, ma makunuy gan ngalan k’angan nga fin i yengyeng,

Levitikus 11:8

Dab mu longuyed e pi gamanman ney fa mmathgad nga reb e pin’ey nike yim; ya yad ba ta’ay.

Matthew 7:6

“Dab mpi’ed ban’en nib thothup ngak e pilis ya kemus ni yad ra cheal ngar k’aded gimed; dab mon’ed e churuwo’ romed nni fek u lan l’ugun e yar nga p’eowchen e babiy, ya kemus ni yad ra yot’yot’.

Luke 15:15

Ma aram me yan i par ngak be’ ni girdi’en e gi nam nem, me l’oeg fa’anem fachi cha’ nge yan i par nga milay’ rok ngi i ayuweg e babiy.

Luke 8:33

Ma aram me chuw fapi mo’onyan’ u fithik’ i downgin fa’anem ngranod ra yinggad ngak fapi babiy; me mil fare ran’ i babiy ngranod ra mulgad u taban bangi war ngalan fare lipath ngar limochgad.

Deuteronomy 14:8

Ma babiy e ba’ thilin buguli ay machane dar ma kunuy e pan nga k’angan nga fin i yengyeng, ere mu ted nib alit. Dariy bmit ko pi gamanman ney ni gimed ra kay e ufin riy fa mathgad nga reb nike yim’.