Levitikus 10:3 - Bible Ni Thothup

³ Me ga’ar Moses ngak Aron, “Irera’ e n’en ni yog SOMOL murung’agen ni fa’an ni ga’ar, ‘Gubin e pi tapigpig rog e thingar ra tedfag nga fenag thothup, ma bay gu dag feni gilbugwag ko girdi’ rog.’” Me par Aron nde non.

Levitikus 10:3 Iomraidhean Croise

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

BABYOR NI JOB 2:10

Me ga’ar Job ngak, “Ga be yog e thin ko balyang! Fa’anra pi’ Got ban’en ni bfel’ nge yib ngodad ma gadad fek u fithik’ e felfelan’. Ere fa’anra pi’ e gafgow nge yib ngodad ma mang ni ngad gun’gun’gad?” Yug aram rogon urngin e gafgow ni yib ngak Job ma de yog ban’en nib togopluw ngak Got.

Psalms 119:120

Gu be rus ni bocham; ma ke sug nigeg e marus ni bochan e pufthin rom.

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Psalms 39:10

Mu tal i gechig nageg! Aram e nggum’ u marin e dumow rom.

Psalms 39:9

Bay gu th’ab gulngag, ni ta’ab bugithin ma dab gog, ya gur e kam teg ni ngug gafgow ni aray rogon.

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Psalms 89:7

Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.

Psalms 93:5

SOMOL, pi motochiyel e dariy n’umngin nap’an, ma Tempel rom e rriyul’ ni ba thothup, ni manechibog ko pichibog.

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Exodus 14:4

Bay gu gagiyegnag Farao nge gel laniyan’ me lol’ogmed, ma bay gu gel ngak Farao nge urngin e salthaw rok min ta’fag ni bochan. Piyu Egypt e bay ra nanged ni gag SOMOL.” Me rin’ piyu Israel ni bod rogon ni kanog ngorad.

Exodus 19:22

Ya mus ko pi prist ni yad ra yib nga to’obeg ma thingar ra machalbog niged yad, ya ra danga’ ma gu ra gechig nagrad.”

Exodus 19:24

Me ga’ar SOMOL ngak, “Mman nga but’ ngam fek Aron nge un ngom ngam bow ngaray ngog nga daken e burey. Ma pi prist nge girdi’ nu Israel e thingar dab ra th’abed e mathil ngarbad ngog ngaray nga daken e burey, ya gu ra gechig nagrad.”

Exodus 30:30

Ma aram mag gapgepnag Aron nge fapi pumo’on ni fak, ni aram e kam og nagrad ni ngar manged prist ni ngar pigpiggad rog.

Isaiah 39:8

Me Hezekiah ni Pilung e leamnag ni fan e ran’ey e gapas nge dariy ban’en nra buch u n’umngin nap’an e yafos rok, aram me fulweg ni ga’ar, “Fare thin ni kamog ngog ni yib rok SOMOL e ba manigil.”

Isaiah 49:3

Me ga’ar ngog, “Israel, i gur e tapigpig rog. Girdi’ e bay ra pininged e sorok ngog ni bocham.”

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

Ezekiel 20:41

Tomuren ni gu fekmed nga wuru’ e pi nam nni weregmed ngay nggu kunuymed nga ta’bang, ma bay i fel’ u wun’ug e pi maligach ni mo’oruf romed, me guy e pi nam ni Gag e gub thothup.

Ezekiel 28:22

Mog ko girdi’ u rom ko mang e gu be yog I Gag SOMOL ni Th’abi Tolang u murung’agrad: Sidon, I gag e to’ogor rom; girdi’ e bay roged e sorok ngog ni bochan e tin kug rin’ ngom. Bay ra nanged ni Gag SOMOL, u nap’an ni gu ra dag fanag thothup ko gechig ni gu ra tay ngak e pi’in yad ma par rom.

Ezekiel 38:16

Bay mu cham ko girdi’ rog nu Israel ni bod bang i nifeng nib gel ni be th’ab daken fare nam. Nap’an nra taw ko ngiyal’ i n’em, ma bay gu l’oegem ngam giliwnag e binaw rog ni fan e nge gagyel ko pi nam ko gag Mini’, me dag fanag thothup ko n’en ni kug rin’ u dakanam.

Ezekiel 40:46

ma senggil nib sap ko lel’och e fen e prist nma pigpig u altar. Gubin e pi prist nem ni yad owchen Zadok; karmusgad chonggin fare ganong rok Levi nni pi’ mat’wunrad ni ngranod nga mit SOMOL ngar pigpiggad ngak.

Ezekiel 42:13

Me ga’ar fare mo’on ngog, “L’agruw e gal naun ney nib tabgul. Mu langgin e gal naun ney e fapi prist ni yad ma yib nga p’eowchen SOMOL e yad ra kay fapi maligach nib tabgul riy. Ni bochan e ba tabgul fapi senggil, fapi prist e yad ra tay e tin th’abi tabgul e maligach u rom: maligach ni grain, nge maligach ni fan ko denen nge maligach ni mathang malfith.

Levitikus 21:15

Ya ra danga’ ma pifak ndabisiy ni ngar pired ni yad ba tabgul e yad ra ta’ay. I Gag SOMOL e kug fael nga bang ni nge mang fare Prist ni Th’abi Ga’.”

Levitikus 21:17

ni nge ga’ar ngak Aron, “Dariy reb e pi’in owchem ni bay bang u downgin nib kireb nra pi’ fare maligach ni ggan ngog. Aray rogon ni ngu’un rin’ i yan ngaram.

Levitikus 21:21

Dariy reb e pi’in owchen Aron ni prist ni bay bang u dow nib kireb nrayag ni nge pi’ fare maligach ni ggan ngog.

Levitikus 21:6

Thingari par nib tabgul ma thangri dabi m’anag fan fithingag. Ma pi’ e maligach ni ggan ngog, e re thangri par nib tabgul.

Levitikus 21:8

Girdi’ e thingar ted fare prist nib tabgul, ni bochane ma pi’ e maligach ni ggan ngog. I gag SOMOL; I Gag e gu ba thothup ma gu ma thothupnag e girdi’ rog.

Levitikus 22:9

“Gubin fapi prist ma ngar folgad ko pi gafal ni kug pi’. Ya fa’anra danga’, ma yad ra par nib buch e rorad miyad ra yim’, ni bochan e dar folgad ko fapi gafal nib thothup. I Gag SOMOL e kug thothup nagrad.

Levitikus 8:35

Thingar mu pired u langan e mab ko fare Tent ni rran nge nep ni medlip e rran, ni gimed be rin’ e tin ni yog SOMOL. Ya fa’anra dangay, ma gimed ra yim’. Irera’ e n’en ni yog SOMOL ngog ni nggu rin’.”

Numbers 16:5

Ma aram me ga’ar ngak Korah nge pi’in kar manged ngak, “Gabul ni kadbul e bayi dag SOMOL ngodad ko mini’ e en nib milfan ngak; ir e ra pag e cha’an nib milfan ngak ni aram e cha’ nike mel’eg, ni nge yan ngak nga altar.

Numbers 20:12

Machane puwan’ SOMOL ngak Moses nge Aron ni ga’ar, “Bochan e de gaman e pagan’ romew ngog ni ngam dagew u p’eowchen yu Israel nib pagan’mew nga gelngig nib thothup, ma aram e dab kum pow’iyew yu Israel ngalan fare nam ni gu micheg ni bay gu pi’ ngorad.”

Matthew 10:37

“En ni kab t’uf rok e chitamangin ara chitiningin ngog e dariy rogon ni nge mang be’ rog; en ni kab t’uf rok fak ni pumo’on ara fak ni bpin ngog e dariy rogon ni nge mang be’ rog.

John 12:28

Ah Chitamag, mu tayfan fithingam!” Me ere yib ba lam u tharmiy nga but’ ni ga’ar, “Kug tayfan ma bay kug rin’ bayay.”

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

Deuteronomy 32:51

ni bochan e gimew l’agruw ndakum yul’yul’gow ngog u p’eowchen e girdi’ nu Israel ko fa ngiyal’nem ni um med ko fapi alublub nu Meribah nib chugur ko binaw nu Kadesh ni bay u daken fagi desert nu Zin nder tugul ban’en riy; ya dakum tiyew fag u p’eowchen e girdi’ nu Israel.

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.

1 Peter 4:17

Ya ke taw nga nap’an ni nge tabab e pufthin, ma pi’in girdi’en Got e yad e som’on ni ngan pufthin nagrad. Ere fa’anra gadad e nge tabab rodad, ma uw rogon nra yan i mus ngak e pi’in nder pagan’rad ko fare Thin Ni Bfel’?

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.

1 Samuel 3:18

Ma aram me weliy Samuel ngak ni urngin; nde mithag buchu’uw riy. Me ga’ar Eli, “I ir SOMOL; bayi rin’ e tin be finey ni ir e bfel’.”

1 Samuel 6:20

Ma aram me ga’ar e pumo’on nu Beth Shemesh, “I mini’ e rayag rok ni nge par u p’eowchen SOMOL nre Got ney nib thothup me par ndabi buch ban’en rok? U uw e ngad pi’ed nge yan ngay nge chuw rodad?”