Lamentations 4:9 - Bible Ni Thothup

⁹ Pi’in karm’ad u tan e mael e kabfel’ boch ko pi’in fin ram’ad, nib sasag’al ni li’rad e bilig, ya dariy e ggan ni aywegrad ngar pired ni yad bfos.

Lamentations 4:9 Iomraidhean Croise

2 Kings 25:3

Me yan i rofen ni mereb ko pul ni aningeg ko re duw nem ni kari gel e uyongol u lan binaw nu Jerusalem ndakuriy ban’en nra kay e girdi’,

Exodus 16:3

ni lungurad ngorow, “Fa’an mang e li’mad SOMOL nggu m’ad u Egypt ma kabfel’. Yu rom e gamad ma sabol riy ko th’ib nib sug ko ufin ma gamad kay urngin e ggan ni gamad ba’adag. Machane kam fekew gamad i yib ngalan e ted ni desert ni nggu m’ad nriyul’ ko uyongol.”

Isaiah 22:2

Ga’ngin fare binaw nike mada’ lingan ngalang, nike sug nga lingan e uf uf. Girdi’ nike yim’ u tan e re mael ney e gathi cham e rm’ad riy.

Jeremiah 16:4

Yad ra yim’ ko m’ar ni ubchiya’, ma dariy be’ nra yor nagrad fa k’eyegrad. Dagur rorad e ra aw u but’ ni bod yu ulung i t’ay e gamanman. Ma yira li’rad u tan e mael fa ram’ad ko bilig, ma downgirad e bayi mang ggan ko arche’ nge gamanman ni malboch.

Ezekiel 24:23

Dab um marod ni dariy e upong u lolugmed fa sus romed fa mu mowaw ara um yorgad. Bay mmaygad nga bang ni bochan e denen romed, bay um gel’gel’gad ngomed.

Ezekiel 33:10

I SOMOL e non ngog. I ga’ar, “Fak e girdi’, mu weliy ngak e girdi’ nu Israel e n’en ni yad be yog ni be lungurad: Kadm’ad u tomalngin e denen rodad nge kireb ni kad ngongliyed. Be m’ay e ufin u dowdad ngabang. Uw rogon me yag nda pired ni gadad bfos?

Ezekiel 4:16

Miki ul ul ngay nge ga’ar, “Fak e girdi’, bay gu m’aynag e flowa nu Jerusalem. Girdi’ u rom e bay i ngochngochan’rad ni math liyab ni yad be machbeg oren e ggan ni ngar ked nge ran ni ngar unumed.

Ezekiel 7:15

Bay e cham u lan e yupa’ i kanawo’, ma m’ar nge bilig e bay u lan e tabnaw. Ma en rayan nga wuru’ e binaw e ra yim’ u fithik’ e cham, ma en nu lan binaw e bayi m’ar ma be yim’ ko bilig.

Levitikus 26:39

In i gimed ni ra magach nib fos u lan e nam rok e pi to’ogor romed e kubay ra m’aygad nga bayang ni bochan e denen romed nge denen rok e pi ga’ romed kakrom.

Deuteronomy 28:51

Bay ra longuyed e gamanman romed nge woldug romed, mi gimed yim’ nriyul’ ko bilig. Dab ra paged romed boch e grain, nge wayin, nge gapgep ni olive, nge garbaw nge saf; ma aram e bay mm’ad.