Lamentations 4:6 - Bible Ni Thothup

⁶ Gechig nta’ ko girdi’ rog e ba almarin ko pi’in girdi’en yu Sodom, ni fare binaw ni gad Got pa’ ngay nge pil nib tomgin.

Lamentations 4:6 Iomraidhean Croise

Genesis 19:24

me pag SOMOL e sulfur ni be yik’ nge mul u lanelang nga daken yu Sodom nge yu Gomorrah.

Genesis 19:25

Ma aram me kirebnag SOMOL e gal binaw nem nge fare loway ni ga’ngin, nib mu’un urngin e girdi’ ngay ni be par u lan fa gal binaw nge urngin ban’en nike tugul u daken e but’ u rom.

Isaiah 24:2

Gubin e girdi’ ni ta’ab n’en e yad ra mada’nag — ni prist nge girdi’, pi tapigpig nge pi masta, nge pi’in nma pi e chuway’ nge pi’in ma falchuway’, nge pi’in ma pi’ e salpiy nge pi’in ma ning ni ku ra fulweg, nge fel’ rogon nge gafgow.

Jeremiah 20:16

Mang e yigi par ni bod fapi binaw ni kirebnag SOMOL nde runguy e girdi’ riy. Manga yigi rung’ag laman e gel’gel’ u fithik’ e amith ni kakadbul, nge laman e yabul ni be thow ni be yog e mael nike yib ko misiw’,

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Lamentations 4:9

Pi’in karm’ad u tan e mael e kabfel’ boch ko pi’in fin ram’ad, nib sasag’al ni li’rad e bilig, ya dariy e ggan ni aywegrad ngar pired ni yad bfos.

Daniel 8:25

Ma bay i mon’og i yan e tin ni be rin’ u fithik’ e sabanban ni bochan e ba sasaliyeb. Bay i par nib ufanthin me li’ bo’or e girdi’ ni yugu yad ra gin ma ke og ngorad. Ma bayi togopluw ngak fare Pilung ni ir e th’abi ga’ u fithik’ e pilung, machane bay ni thirif u but’ ni gathi gelngin e girdi’ e bay ni maruwel ngay.

Daniel 9:12

Kam rin’ e tin mog ni bay mu rin’ ngomad nge ngak e pi’in ni ur gagiyeg niged gamad. Kab gel e gechig ni kam pi’ ngak yu Jerusalem ko gechig ni kam pi’ ngak yugu reb e binaw u roy u fayleng.

Matthew 24:21

Ya gafgow ko re ngiyal’nem e ri kab mal’af ni kab gel e gafgow riy nga reb e gafgow ni ka’a yib, ni ka nap’an ni sum e fayleng nge mada’ ko bin daba’ e rran, fa ki yib reb e gafgow nta’reb rogon ngay.

Luke 10:12

Nggog ngomed ni Chirofen nra pufthinnag Got e girdi’ riy e ka ba ga’ e runguy nra tay ngak yu Sodom ko runguy nra tay ngak e re binaw nem!”

Luke 12:47

“Re tapigpig ni manang e tin ni ba’adag e masta rok ni ir e nge rin’, machane der fal’eg rogon nge rin’ e tin ni ba’adag e masta rok e bay ni gechignag nib el merin e dimow ni yira tay ngak;