Lamentations 4:2 - Bible Ni Thothup

² Pi fel’yangren nu Zion e ba t’uf rodad ni bod e gol, machane chiney e ngongol ni yibe rin’ ngorad e kar boded e th’ib ni but’.

Lamentations 4:2 Iomraidhean Croise

Isaiah 30:14

Bay mu weargad ni bod ba th’ib ni but’ ni pil nge wear ni nochiyang, nge par ni dariy bang riy ni ba ga’ boch nrayag ni ngan supunnag e kol ngay ni be gak’, ara nl’ing e ran u luwed ngay.”

Isaiah 51:18

Dariy be’ ni nge pow’iyem, dariy be’ ko tirom e girdi’ ni nge kol pa’am.

Jeremiah 19:1

Me yog SOMOL ngog ni nggu wan nggu chuw’iy ba rume’ nni ngongliy ko but’. I yog ngog ni nggu fek boch e pi’lal u fithik’ e girdi’ nge boch e prist ni tin pi’lal,

Jeremiah 19:11

mu gog ngorad ni SOMOL ni Gubin ma Rayag Rok e ke ga’ar, “Bay gu gothey e pi girdi’ ney nge re binaw ney ni bod rogon e re rume’ ney nni ngongliy ko but’ nni bilig ni dabkiyag ni ngan chamey. Ma girdi’ e bay ra k’eyged e yam’ rorad u Tofeth ni bochan e dakuriy bang ni ngar gum’eyag gad riy.

Jeremiah 22:28

Gu be ga’ar, “Gur i Jehoyakin ni Pilung e ke bod ba rume’ nike pil kan’ag ni dakriy be’ ni ba’adag? Gur arfan ni ka ni fek nge pifak ni kalbus nga ba nam ni dariy ban’en ni yad manang u murung’agen?”

Lamentations 2:21

Fel’ yangren nge pilbithir e go’ yad ba aw’ u lan e kanawo’ ni karmad’. Pumo’on nge ppin ni bfel’ yangeren, e karm’ad ko saydon rok e pi to’ogor. Mu thang e pogofan rorad nide wurngan’um ni gelngin e damumuw rom e rofen nem.

Lamentations 5:12

Pi tayugang’ romad e kan fekrad kan uchliyrad; ma danir tayfan e pi pumo’on romad.

Hosea 8:8

Ke ta’reb rogon yu Israel ko yug nam nike m’ay fan ni bod ba th’ib nike pil.

Zekariah 9:13

Bay gu maruwel ngak yu Judah ni bod e gat’ing rok ba salthaw, mu gu maruwel ngak yu Israel ni bod bogi gan e gat’ing. Bay gu maruwel ngak e pumo’on nu Zion ni bod ba saydon, ngar maelgad ngak e pumo’on nu Greece.”

2 Korinth 4:7

Machane gamad e pi’in bay romad e ren’ey ni bfel’ ni pi’ fare Kan Nthothup e gamad bod e rume’ ni but’, ni nge m’ug ni re gelngin nem ni ir e ba th’abi gel e yib rok Got, ma gathi gamad e yib romad.

2 Timothy 2:20

U lan ba naun ni ba ga’ e bay e plet riy ni pire’ mit, ni boch e ni ngongliy ko silber, ma boch e ni ngongliy ko gol, ma yugu boch e ni ngongliy ko ren, ma boch e ni ngongliy ko but’; ni boch e ngan maruwel ngay ko yu ngiyal’ ni yima ngongliy e madnom riy, ma boch e ngan maruwel ngay ni urngin e rran.