Lamentations 1:5 - Bible Ni Thothup

⁵ Pi to’ogor rok e ke gel ngak; kar michgiyed nga gelingrad. I SOMOL e ke gagiyegnag ke gafgow ni fan urngin e denen rok nib pire’; Pifak e ka ni kolrad ka ni fekrad ngabang.

Lamentations 1:5 Iomraidhean Croise

2 Kings 21:15

Gu ra rin’ e pin’ey ngak e tirog e girdi’ ni bochan e kar denengad nib togopluw ngog kar puged e damumuw rog ni ka nap’an fa ngiyal’ ni chuw e pi chitamangirad u Egypt ke mada ko bin daba’ e rran.”

Psalms 80:6

Kam pag e pi nam nib liyegmad ni yad be chamnag e binaw romad; ma be yog e to’ogor romad e thin ni kireb ngomad.

Psalms 89:42

Kam gagiyegnag e pi to’ogor rok kar gelgad ngak; ka mu gagiyeg nagrad ni yad gubin kar fefelan’gad.

Isaiah 22:5

Irera’ e ngil’an e digow, me’waer ni ngan tay, nge lanin’uy ni nge wagagay u lan fare Loway ni fithingan e Loway ni Pilyeg e Changar, ni SOMOL ni Th’abi Tolang ni Gubin ma Rayag Rok e pag e ran’ey ke aw ngodad. Rungrung ko fare binaw rodad e kan buthug, ma be kumong lungun e girdi’ ni yad be yornag e ayuw u fithik’ e yochi burey.

Isaiah 63:18

Pi to’ogor romad e ke chugur ni ngar tharbeged e girdi’ rom ni urngin u daken e nam, ma kar darifan niged e tempel.

Jeremiah 10:20

Pi tent rodad e ke mogothgoth; pi gaf ni i kol e ke math’. Pifakdad e go’ karanod; dakriy be’ ni magay ni ku ra n’uf e tent rodad ngalang bayay; dakriy be’ nra tining e kateng ko fapi tent.”

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Jeremiah 39:9

Tomuren, me Nebuzaradan ni ir e ga’ ko salthaw e fek e girdi’ ni magach u lan fare binaw ni kalbus nga Babylon, nib mu’un e girdi’ ngay nra milgad ngak.

Jeremiah 5:29

“Machane i gag SOMOL e bay gu gechig nagrad ni bochan e pin’ey; Bay gu fulweg taban ko re nam nem.

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Lamentations 2:17

I SOMOL e ke rin’ n’en ni yog nra rin’: Ke gechig nagdad ndaki wurngan’, ni bod ni yog ngodad kakrom. Ke pag e pi to’ogor ke gel ngodad, ni kar uf uf gad ko waer ni kadted.

Lamentations 3:46

“Urngin e pi to’ogor romad ma yad be yog e thin nib mkunkun ngomad ma yad be moning nagmad.

Ezekiel 9:10

Machane dab kug runguyrad; nggu rin’ ngorad e n’en ni kar rin’ed ngak boch e girdi’.”

Ezekiel 9:9

Me fulweg Got ni ga’ar, “Girdi’ nu Israel ngu Judah e bbuch e rorad ko denen ni ubchiya’. Yad be mathang pogofan u ga’ngin yang ma kar sugyed lan yu Jerusalem ko urngin mit e oloboch. Ma yad be ga’ar e Gag, SOMOL, e kug pi’ keru’ug ko binaw rorad ni da gur guy e n’en ni yad be rin’.

Deuteronomy 31:29

Gu manang ni bay gum’ ma bay i gel e kireb romed ngam n’iged e pin’en ni kug fil ngomed. Ma bayi taw nga bangiyal’ ni bay mmachda’ niged e riya’, ni bochan e ka mu k’arnged e damumuw ngak SOMOL ya ka mu ngongliyed e tin ni yog ndab mu rin’ed.”