Lamentations 1:21 - Bible Ni Thothup

²¹ “Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

Lamentations 1:21 Iomraidhean Croise

Psalms 35:15

Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Psalms 37:13

Ma SOMOL e be minmin u wan’ ngak e en nib kireb, ya manang ndabki n’uw nap’an me math e fan rok.

Psalms 38:16

dab mu pag e to’ogor rog ngar felan’gad ni ku gu gafgow; dab mu pagrad ngar giriggad ngog ni ku gu dol’!

Isaiah 14:5

I SOMOL e ke museg gelngin e pi’in kireb nma gagiyeg

Isaiah 14:6

ni yad be gafgownag e girdi’ u fithik’ e damumuw, mda rir toffangad i gafgownag e pi nam ni kar koled ko mael.

Jeremiah 30:16

Machane chiney, e gubin e pi’in ra ful’ed gimed e bay ni ful’rad, ma gubin e pi to’ogor romed e bay ni fekrad nga orel ni yad e kalbus. Gubin e pi’in nu ur gafgow naged gimed e bay ni gafgow nagrad, ma gubin e pi’in ur giliw niged gimed e bay kun yodrom nagrad.

Jeremiah 48:27

Moab, ka gamnang rogon ni um moningnag e girdi’ nu Israel. U mog e thin ni kireb ngorad ni gowa bogi mororo’?

Jeremiah 50:11

I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,

Jeremiah 50:15

Mu gafaliyed e mael u wuru’ e re binaw ney ni ga’ngin! Chiney e kan kol yu Babylon. Pi yoror riy e kan buthug nga barba’ ma kan tet’ar nga but. Aram e kug fulweg taban e kireb ngorad. Re mu gafgow nigedyad, ni bod rogon ni ur rin’ed ngak boch e girdi’.

Jeremiah 50:29

“Mogned ngak e pi’in yad ma mun gat’ing ngar chamgad nga Babylon. Mu l’oeged gubin e pi’in manang rogon e mun gat’ing. Mu thabey niged fare binaw ni dab mu paged be’ nge mil. Mu fulweged taban urngin e tin i rin’, mi gimed rin’ ngak e tin ki i rin ngak boch e girdi’, ni bochan e i ngongol u fithik’ e ufanthin nib togopluw ngog, I Gag fare Thothup nu Israel.

Jeremiah 50:31

“Gimed yu Babylon, ke puw ufmed, ere Gag SOMOL ni Th’abi Tolang ma Gubin ma Rayag Rok e nggu togopluw ngomed! Ke taw nga nap’an rog ni nggu gechig nagmed.

Jeremiah 51:24

Be ga’ar SOMOL, “Bay mu guyed gag ni nggu sulweg taban’ ngak yu Babylon nge girdi’ riy gubin fapi kireb nrin’ed nga Jerusalem.

Jeremiah 51:49

Yu Babylon e ir e k’aring e yam’ ngak e girdi’ u ga’ngin e fayleng, ma chiney e nge mul yu Babylon ni bochan e ir e k’aring e yam’ ngak e girdi’ nib yo’or u Israel. I Gag SOMOL e kugog e pi thin ney.”

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Lamentations 1:22

“Mog e kireb ngorad ni bochan urngin e buchan’ rorad; Mu gechig nagrad ni bod nim gechig nageg ni fan ko denen rog. Gu be gel’gel’ u fithik’ e bilig t’ay e gafgow rog, ke gafgow lanin’ug.

Lamentations 1:4

Dakriy be’ ni mayib nga Tempel e chiney ko meybil ko pi rran nib thothup. Pi’in rrugod ni ur tanggad u rom e yad be gafgow, ma fapi prist e kemus ni go’ moen e yad be tay. Ke par langan e pi garog ni dariy be’ riy, ma yu Zion e ke mochuch ko amith.

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Lamentations 2:15

Girdi’ ni yad be yan u to’bem e yad be changar ngom nga but’; Ni yad be chichingeg lolugrad miyad be minmin ko mogothgoth ni keta’ yu Jerusalem: “Irera’ fare binaw ni bfel’usun, ma uf uf rok e fayleng?”

Lamentations 2:16

Urngin e to’ogor ma yad be moning nagem yad be changar ngom u fithik’ e fananikan. Ni yad be thilpiriy l’ugunrad ma yad be kirebnag owcharad ma yad be ga’ar, “Kad thirifed u but’! Irera’ fare rran ni ku’ud son niged!”

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Joel 3:14

Bokum e biyu’ e biyu’ e bay u lan fare Loway ko Pufthin. Ireram e re gin’en ndabki n’uw nap’an me taw fare rran rok SOMOL ngay.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.