Jude 1:3 - Bible Ni Thothup

³ Pi tafager rog nri gimed ba t’uf rog! Ug guy rogon ni nggu yoloy nga babyor nggu pi’ ngomed murung’agen kanawo’en ni thapegdad Got ngak, ma aram mu gu finey ni nggu yol ngomed nggog ni ngam athamgilgad ngu’um pired ko fare mich nike pi’ Got ngak girdi’en nri ta’ab yay me par ni errogon.

Jude 1:3 Iomraidhean Croise

Nehemiah 13:25

Mu gu thin ngak fapi pumo’on, mu gu pining e buch wa’athan nga dakenrad, gu toyrad, mu gu bu’oy piyan lolugrad. Ma aram mu gog ngorad ngar micheged u fithingan Got ni dakuriy bi’id ni yad ra le’engiy pifakrad e ppin nu bang.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”

Acts 17:3

ni be weliy fan ngorad ma be dag ngorad u lan e babyor nib thothup ni fare Messiah e thangri gafgow nge mu’ min faseg ko yam’. Miki ga’ar ngorad, “Aney i Jesus ni ir e kug weliy murung’agen ngomed, e ir e re Messiah nem.”

Acts 18:28

Miyad ma lu’ag thin piyu Israel u fithik’ e girdi’ ni yo’or nib el merin me gel ngorad, ni aram e be micheg ngorad u lan fare babyor nib thothup ni Jesus e ir fare Messiah.

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.

Acts 28:28

Me ul ul Paul ngay nge ga’ar, “Ere ngam nanged ni thin rok Got ni murung’agen rogon min thap ngak Got e kan pi’ ke yan ngak e pi’in gathi yad piyu Israel. Ma bay ra motoyilgad ngay!”

Acts 4:12

Kemus ni Jesus e rayag rok ni nge thapeg e girdi’ ngak Got; ya dakuriy yugu reb e ngachal ngabang u roy u fayleng ni pi’ Got ngak e girdi’, ni ir e rayag rok ni nge thapegdad ngak Got.”

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Acts 9:13

Me fulweg Ananias ni ga’ar, “Somol, bo’or e girdi’ ni karogned ngog murung’agen e re mo’on nem, ni murung’agen urngin e kireb nike rin’ ngak e tirom e girdi’ u lan yu Jerusalem.

Acts 9:22

Machane machib ni i tay Saul e yib gelngin nike gel, ma rogon ni i micheg ni Jesus e ir fare Messiah e rib gel, ya girdi’ nu Israel ni be par u Damaskus e dakiyag ni ngar fulweged lungun.

1 Korinth 15:3

Kug pi’ ngomed e tin ni yag ngog ni ir e ba th’abi ga’ fan, ni aram e Kristus e yim’ ni bochan e denen rodad, ni bod rogon ni bay ni kan yoloy u lan e babyor nib thothup;

Galatia 2:5

Dariy ta’reb e mint’ ni gu m’inggad ngorad, ni fan e nge yag ni gu ayuweged ni fan ngomed e tin nib riyul’ ni ir fare Thin Ni Bfel’ ni yib rok Got.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Galatia 6:11

Mu guyed feni ga’ e yol ni gu be yoloy e chiney ni gu be yol ngomed nga pa’ag!

Efesus 1:1

Re babyor ney e yib rok Paul, ni Got e leamnag nge mang reb e apostel rok Kristus Jesus — Ngak girdi’en Got ni yad ma par u Efesus, ni pi’in nib yul’yul’ e ngongol rorad u fithik’ Kristus Jesus:

Deuteronomy 21:9

Ma aram e gimed ra rin’ nrogon nike yog SOMOL, mra chuw e kireb u dakenmed ko fare mathang pogofan.

Deuteronomy 9:10

Ma aram me pi’ SOMOL ngog fa gal yang i malang nu daken e gal yang i malang nem e ri pa’ e yoloy ngay e tin ni yog ngomed u fithik’ fare nifiy ko fa rofen nem ni mmu’ulunggad ngaram ko fare burey.

Filippi 1:1

Re babyor ney e yib rok Paul nge Timothy, ni yow e tapigpig rok Kristus Jesus — Ngak urngin e girdi’ rok Got ni yad be par u Filippi, nike mich Kristus Jesus u wun’rad, nge pi’in yad be tay murung’agen girdi’en e galesiya nge pi’in yad be ayuweg girdi’en e galesiya.

Filippi 1:27

Ere n’en nth’abi ga’ fan ni ngam rin’ed e nge par pangimed ni bod rogon ni be yog e thin rok Kristus, ya demturug ko ke yag fa de yag ni gub gguymed, machane mu gu rung’ag ni kam pired ni gimed bmuduwgil nta’a ban’en e gimed be nameg, ma gimed be athamgiliy u ta’ab yang ni ta’a ban’en e gimed be athpeg ni aram e nge mich u wan’ e girdi’ fare Thin Ni Bfel’.

Kolose 1:2

Ngak e girdi’ rok Got nu Kolose, ni pi’in yad ba yul’yul’ ni kad walaggad u daken Kristus: I Got ni Chitamangidad e ngi i ayuwegmed ma be pi’ e gapas nga lanin’med.

1 Thessalonika 2:2

Gimed manang rogon e gafgow ntay ngomad nge thin nib kireb ni unog ngomad u Filippi u m’on riy ndawor gu bad ngomed nga Thessalonika. Machane Got rodad e pi’ e athamgil nga lanin’mad ni nggu weliyed ngomed fare Thin Ni Bfel’, ni yugu ireram gelngin e togopluw ni yibe tay ngomad.

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

1 Timothy 6:12

Mu athamgil ngam mil nike musmus rogom ko sagreng ni yibe tay u rogon nib mich Got u wun’uy, ngam yagnag ngom e yafos ndariy n’umngin nap’an; ya ireray e re yafos nike piningem Got ngay ko fa ngiyal’nem ni mu weliy ni bfel’ rogon u p’eowchen bo’or e girdi’ rogon nike mich Kristus u wun’um.

2 Timothy 1:13

Dab mpag fapi thin nib riyul’ ni kug fil ngom, ya ir e ngu’um fol riy, mu um par u fithik’ e michan’ nge t’ufeg nma yag ngodad ko ta’ab girdi’ ni gadad ma tay Kristus Jesus.

Titus 1:4

Gu be yol ngak Titus, ni en nriyul’ ni fakag u fithik’ e michan’ romow ngak Kristus ni be lungug: I Got ni Chitamangiy nge Kristus Jesus ni ir e ma thapegey ngak Got e ngu’ur ayuwegew gur ma yow be pi’ e gapas nga lanin’um.

Hebrews 13:22

Pi walageg ni girdi’en Kristus, gu be wenig ngomed ni ngam motoyilgad u fithik’ e gumaen’ ko re thin ney ni ir e nge pi’ e athamgil nga lanin’med; ya re gi babyor ney ni kug yoloy ke yib ngomed e gathi rib n’uw.

Hebrews 6:9

Pi tafager rog ni gimed ba t’uf rog, yugu aray rogon e thin ni gamad be yog, machane bmuduwgilan’mad ngomed. Ma gamad manang nike tow’ath nagmed Got ko tin ni bfel’ ban’en ni fan ko thap romed ngak Got.

1 Peter 5:12

Kug yoloy e re gi babyor ney nib ngoch ngomed ni Silvanus e ke ayuwegneg riy, ni kug tay ni ir reb i walagdad nrib yul’yul’. Gub adag ni nggu pi’ e athamgil nga lanin’med, mu gu weliy ngomed kanawo’en nma ayuwegdad Got. Ere mpired u fithik’ e re ayuw ney ni gimed bmuduwgil.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

2 Peter 2:21

Ya kabfel’ ni fa’an mang e ur pired ndar nanged kanawo’en e mat’aw ko bin kar nanged miyad pi’ keru’rad ko fare motochiyel nib thothup ni kan pi’ ngorad!

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Jude 1:17

Pi tafager rog, ri dab mpaged talin e tin ni yog e pi apostel rok Somol rodad i Jesus Kristus kakrom.

Jude 1:20

Machane gimed e pi tafager rog, e ngu’um gel niged gimed ko mich romed nib th’abi thothup. Um meybilgad ngak Got u fithik’ gelngin fare Kan Nthothup,

Revelation 12:11

Ke gel pi walagdad ngak u daken racha’en fare Fak e Saf, ngu daken e thin nib riyul’ ni ur wereged; ma bm’agan’rad ngay ni ngar paged fan e pogofan rorad ngarm’ad.

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.