Joshua 7:9 - Bible Ni Thothup

⁹ Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

Joshua 7:9 Iomraidhean Croise

Psalms 115:1

Kemus ni gur, A SOMOL, kemus ni gur e thingar ni gilnagem, ma gathi gamad, ni bochan e t’ufeg rom nge fanam yul’yul’ ni dabimus.

Psalms 48:10

Girdi’ u gubin yang e yad be pining e sorok ngom, ma bugwam e ke garer u fayleng i yan. Ga ma gagiyeg nib mat’aw;

Psalms 79:9

A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

Psalms 83:4

Yad be ga’ar, “Mired, ngad thirifed e re nam rorad ney, ya ngan pagtalin yu Israel ndabki yib ngan’uy bi’id.”

Psalms 83:5

Me ta’reb e puruy’ rorad ngay ni ka ra ta’rebgad ni ngar togopluwgad ngom:

Exodus 32:12

Mang ni ngam pag piyu Egypt nge yag ni lungurad, ‘I waliy e girdi’ rok nga wuru’ yu Egypt ya ke leamnag ni nge li’rad u fithik’ e burey nge math owcharad ni yad gubin’? Mu pag e damumuw rom nib gel ngam thiliyeg lanin’um, ngam pag ndab mfek e binir e riya’ i yib ngak e girdi’ rom.

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Mikah 7:10

Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.

Numbers 14:13

Machane me ga’ar Moses ngak SOMOL, “Gelngim nib gel e mu gagiyeg ngay ngam fek e pi girdi’ ney nga wuru’ yu Egypt. Ma ra rung’ag piyu Egypt e n’en ni kam rin’ ngak e girdi’ rom,

John 12:28

Ah Chitamag, mu tayfan fithingam!” Me ere yib ba lam u tharmiy nga but’ ni ga’ar, “Kug tayfan ma bay kug rin’ bayay.”

Deuteronomy 9:28

Ya ra dangay ma ra yog piyu Egypt nde yag rom ni ngam fek e girdi’ rom i yan ngalan fare nam ni mmicheg ni bay mu pi’ ngorad, miyad yog ni ka mu fek e girdi’ rom u Egypt nga daken e ted ni fan e ngam thang owcharad, ya dabumrad.

Joshua 7:10

Me ga’ar SOMOL ngak Joshua, “Mu suwon! Mangfan ni ka mu pagem nga but’ ni arrogon?

Joshua 7:8

SOMOL, mang e ku rayag ni nggog e chiney nike tuluf e pi to’ogor yu Israel kar sulod?

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.