Joshua 6:24 - Bible Ni Thothup

²⁴ Miyad tay e nifiy ko fare binaw ngar urfiyed nge urngin ban’en ni bay u lan, ma kemus ni pin’en nni ngongliy ko gol, nge silber, nge bronze, nge wasey e da ni urfiy, ya ra feked ngar ted nga tamachibgil rok SOMOL.

Joshua 6:24 Iomraidhean Croise

2 Samuel 10:5

Ma kar tamra’gad ni ngar sulod nga taferad. Ma nap’an ni rung’ag David e n’en nike buch rorad, me l’oeg e thin nge yan ngorad ni ngar pired u lan yu Jeriko ndab ka’ar sulod nge taw ko ngiyal’ nike n’uw e rob rorad bayay.

2 Kings 25:9

Me urfiy e Tempel, nge tafen e pilung, nge naun rok urngin e pi tolang nu Jerusalem,

1 Kronicles 18:11

Me ognag David ni Pilung fa pin’en ni ngan fanay ko liyor, nge dachug ko pi silber nge gol ni fek rok e pi nam ni gel ngay, yu Edom, Moab, Ammon, Filistia, nge Amalek.

Numbers 31:10

miyad urfiy gubin e binaw nge Tent rorad.

Deuteronomy 13:16

Mu kunuyed nga ta’bang urngin e chugum rok fapi girdi’ ni yad ma par u rom ngam ulungyed nga lulukngun fare binaw. Ma aram migmed orfeg fare binaw nge urngin e tin bay riy ni aram e ba maligach ngak SOMOL ni Got romed. Thingar ni pag fare binaw ndakuriy wotan u but’, ma dab kun ngongliy bayay.

Deuteronomy 13:17

Dab mu cha’riyed ban’en ni ngam faned ko fapi chugom ni kan turguy ni ngan gathey, nge yag ni pi’ SOMOL keru’ ko damumuw rok nrib gel nge dag e runguy rok ngomed. Bayi runguymed me yo’or nagmed, ni bod ni micheg ngak e pi ga’ romed ni kakrom.

Deuteronomy 20:16

“Machane nap’an ni gimed ra kol fapi binaw nu lan fare nam ni bayi pi’ SOMOL ni Got romed ngomed, mi gimed thang e fan rok gubin e girdi’ riy.

Joshua 11:11

Miyad thang e pogofan rok urngin e girdi’ u rom; dariy be’ nni pag ni kabfos, min ufiy fare binaw nu Hazor.

Joshua 6:19

Ma urngin ban’en nni ngongliy ko silber, nge gol, nge bronze, nge wasey e ngan tay ni fan ngak SOMOL, ngan tay ngalan e tamachibgil rok SOMOL.”

Joshua 6:25

Machane me ayuweg Joshua e pogofan rok Rahab ni be’ ni bpin nma chuway’ ngak nge urngin e girdi’ rok, ni bochan e mithag fa gali mol’og ni l’ogrow Joshua nga ranow nga Jeriko ni damit. Ma pi’in owchen Rahab e ka aram e ra pired rok piyu Israel ke mada’ ko bin daba’ e rran.

Joshua 8:28

I Joshua e urfiy yu Ai nge pag nike mgothgoth. Ni ku aram rogon ni bay e daba’.

Revelation 17:16

Ma fa ragag i gagey ni kam guy nge fare gamanman e bay ra fanenikayed fare pin nma chuway’ ngak; bay ra feked urngin ban’en rok miyad pag ndakuriy e mad u daken; ma bay ra longuyed e ufin u downgin miyad li’ ko nifiy ngem’.

Revelation 18:8

Urngin e gafgow ma bayi yib ngak u lan ta’reb e rran ni bochan e ren’ey, ni aram e liliy, nge kireban’, nge uyongol; ma bay ni urfiy ko nifiy, yi Somol ni Got, ni ir e ke turguy e gechig rok e ir e ba th’abi gel gelngin.”