Joshua 6:19 - Bible Ni Thothup

¹⁹ Ma urngin ban’en nni ngongliy ko silber, nge gol, nge bronze, nge wasey e ngan tay ni fan ngak SOMOL, ngan tay ngalan e tamachibgil rok SOMOL.”

Joshua 6:19 Iomraidhean Croise

2 Samuel 8:11

Me pi’ David ni Pilung fapi tow’ath ni ngan fanay ko liyor ngak SOMOL, nib mu’un e pi silber nge gol nni fek ko pi nam ni i gel ngay —

1 Kings 14:26

Me fek urngin e machaf u lan fare Tempel ngu lan fare naun ni tafen e pilung, nib mu’un fa yungi shield ngay ni gol ni ngongliy Solomon.

1 Kings 7:51

Nap’an ni mu’nag Solomon ni Pilung urngin e maruwel ko fare Tempel, me tay ngalan fapi senggil ni tafen e chugum urngin e tin nike ognag e chitamngin i David ngak SOMOL— silber, gol nge ku boch ban’en.

2 Kings 24:13

me fek urngin e pin’en nib t’uf ma ba tolang puluwon ni bay u lan e Tempel ngu tafen e en ni pilung u Jerusalem nga Babylon. Me yan i aw ni bod ni yog SOMOL u m’on, ya kirebnag Nebukadnezzar urngin e pin’en nni ngongliy ko gol ni Solomon e tay ngalan e Tempel ni fan ko pigpig ko tempel.

1 Kronicles 18:11

Me ognag David ni Pilung fa pin’en ni ngan fanay ko liyor, nge dachug ko pi silber nge gol ni fek rok e pi nam ni gel ngay, yu Edom, Moab, Ammon, Filistia, nge Amalek.

1 Kronicles 26:20

Ma boch i yad fapi Levi e ba milfan e machaf u Tempel ngorad nge pi senggil ni yima cha’riy e pi tow’ath ni kan ognag ngak Got riy.

1 Kronicles 26:26

I Shelomith nge chon e tabnaw rok e yad ba ga’ ko gubin e tow’ath nike ognag David ni Pilung ngak Got, nge pi lolgen e tabnaw, nge pi’in yad ma yog e thin ko fa yuke girdi’, nge pi tolang ko salthaw.

1 Kronicles 26:27

Ra feked boch fa pin’en nlaged u fithik’ e mael ngar pi’ed ni ngan fanay u lan fare Tempel.

1 Kronicles 26:28

Shelomith nge tabnaw rok e yad e ga’ ko gubin ban’en ni kan pi’ ni ngan maruwel ngay u lan e Tempel, nib mu’un e pi tow’ath ngay ni fek Samuel ni profet i yib, nge tin ni pi’ Saul ni Pilung, nge Abner nib mo’on ni fak Ner, nge Joab nib mo’on ni fak Zeruyah.

1 Kronicles 28:12

Miki pi’ ngak babyoren rogon ni leamnag ni ngan ngongliy lan e yoror nge pi senggil nib liyeg, nge pi senggil ni yima cha’riy e pi tatalin e Tempel nge pi tow’ath ni kan ognag ngak SOMOL riy.

2 Kronicles 15:18

Me tay ngalan fare Tempel gubin e pin’en nike ognag Abijah ni chitamngin ngak Got, ni kub mu’un ngay e pin’en nib gol nge silber ni ir rok e ke pi’ ngak SOMOL.

2 Kronicles 31:12

mi ni tay gubin e pi tow’ath nge pi ragag e pasent nga langgin ngan cha’riy ni dabi buch ban’en riy. Ma be’ ni Konaniah fithingan ni reb e Levite e ra ted ni nge mang ga’ riy me Shimei nib mo’on ni walagen e ta’ayuw rok.

Nehemiah 10:38

Fapi prist ni girdi’en e tabnaw rok Aron e ngar cheagad ko pi Levite ko ngiyal’ ni yibe kunuy e ragag e pasent riy, ma fapi Levite e ngar feked ngalan fapi senggil ni yima cha’ar riy u lan e Tempel ragag e pasent ko gubin ni kani kunuy ni ngan fanay ko maruwel u Tempel.

Jeremiah 38:11

Ma aram me fek Ebedmelek fapi pumo’on nge yan nga tafen e chugum u tafen e pilung nge fek boch e mad nike kaday me m’ag ko gaf nge nguchuruy ngog ngalan e luwed.

Levitikus 19:24

Mu lan e bin aningeg e duw e ngam pi’ed ngog urngin wom’ngin e gek’iy ni yima kay, ni ngam daged ni gimed be pining e magaer ngog i Gag SOMOL.

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Numbers 31:11

Miyad fek urngin e chugom, nib mu’un e pi’in kalbus ngay nge gamanman,

Numbers 31:12

ngar feked i yan ngak Moses nge Eleazar nge girdi’en yu Israel, ni yad bay ko tafel’fel’ u Moab u puluwon yu Jeriko nga barba e lul’ u Jordan.

Numbers 31:22

Urngin e tin dabi yik, ni aram e gol, silber, bronze, wasey, kobre’, fa lead, e ngan be’echnag ni ngan laeg u mit e nifiy. Ma urngin e tin kabay e ngan be’echnag ko ran ni fan ko machalbog.

Matthew 27:6

Me feng e pi tolang ko prist fapi salpiy me lungurad, “Re salpiy ney e salpiy ni puluwon e racha’ ma ba togopluw ko Motochiyel rodad ni ngan tay nga fithik’ e salpiy ni yibe kunuy u Tempel.”

Mark 12:41

Ma nap’an nike par Jesus nga but’ u to’oben tafen e salpiy u Tempel me fal’eg i yaliy e girdi’ ni be yin’ e salpiy ngalan. Ma bo’or e pi’in pire’ salpiyan ni be yin’ e salpiy ngay ni pire’;

Joshua 7:11

Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.