Joshua 6:17 - Bible Ni Thothup

¹⁷ Re binaw nem nge urngin ban’en ni bay riy e kan turguy ni ngan kirebnag ni nge mang ba maligach ngak SOMOL. Kemus ni fare pin i Rahab nma chuway’ ngak, nge girdi’en e tabinaw rok e dab ni bit’ ngorad, ni bochan e mithag fa gali mol’og rodad.

Joshua 6:17 Iomraidhean Croise

Genesis 12:3

Gu ra fal’eg wa’athan e pi’in yad ra fal’eg wa’atham, ma gu ra bucheg wa’athan e pi’in yad ra yibilayem ni nge kireb wa’atham. Urngin e nam nu fayleng e bay i fel’ wa’athrad ni bocham.”

Ezra 10:8

nike yog e tayugang’ rok e pi girdi’ nem. Fa’anra yan dalip e rran ndawori m’ug be’, ma gubin e pin’en nib milfan ngak e go’ yira fek rok, ma yira fek rok mat’wun ni be par ni ir reb i girdi’en fare ulung.

Isaiah 34:6

Saydon rok e bayi pen ko racha’ rorad nge mam, ni bod e racha’ nge mam u pifak e saf nge kaming ni yima maligach ngay. I SOMOL e bayi pi’ e re maligach ney u lan e binaw nu Bozrah; bayi gagiyegnag ngan cham nib almarin u daken e but’ nu Edom.

Jeremiah 46:10

Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Ezekiel 39:17

I SOMOL ni Th’abi Tolang e ga’ar ngog, “Fak e girdi’, mu pining urngin e arche nge gamanman ngarbad u gubin yang ngar longuyed fare maligach ni kug fal’eg rogon ni fan ngorad. Ireram ba madnom nib ga’ u daken fapi burey nu Israel, ni gin bay ra longyed e ufin riy miyad be unum e racha’.

Levitikus 27:21

Ma ra bin migid e Duwan e Felfelan’ ma fare gi flang e bayi par nike fanay SOMOL, ni aram e ke milfan ngak e pi prist.

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

1 Korinth 2:7

Re gonop ni ir e gu be weliy murung’agen e gonop rok Got nib mith, nde nang e girdi’, ni Got e ke duwgiliy ke tay ni fan ko fla’ab rodad ni ka ngiyal’ ni ba’aram ndawor ni sunumiy e fayleng riy ma kem’ay i turguy rok.

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

Galatia 3:12

Machane Motochiyel e der toer ko mich u wun’uy ngak Got. Ya bod nike yog e babyor nib thothup ni be ga’ar, “En nra rin’ urngin e tin ke yog e Motochiyel ngak ni nge rin’ e ir e ra fos riy.”

Deuteronomy 20:17

Mu thanged mit gubin e girdi’ ni pi Hittite, pi Amorite, pi Kanaan, pi Perizzite, pi Hivite, nge pi Jebusite, ni bod nike tay SOMOL chiylen.

Hebrews 11:31

Rahab nma pi’ ir nchuway’, e michan’ rok ngak Got e tay Rahab nde un ngak e pi’in nli’rad ngarm’ad, ni pi’in nda ur folgad rok Got, ni fan e fek fa gali damit nga tafen nge ayuwegrow.

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

James 2:25

Taareb rogon ko fare pin i Rahab nma chuway’ ngak. I mat’aw ngak Got ni bochan e ngongol rok ni fa’ani fek fapi cha’ nu Israel nga naun rok, ni fapi cha’ nrabad ni mol’og me ayuwegrad ngar chuwgad ngar sulod u yugub pa’ e kanawo’.

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Joshua 2:22

Ma aram miyow yan ko gin bay e burey riy ngar mithgow u rom, ma aram e ke yan fapi pumo’on ni l’oegrad fare pilung ni yad be gayrow u wuru’ fare binaw i yan ni dalip e rran. Ma dar pir’eged be’ miyad sul ngalan e binaw nu Jeriko.

Joshua 7:1

Dan fol ko fare n’en ni tay SOMOL chiylen ngak yu Israel ndab ni fek ban’en u Jeriko nsusun e ngan kirebnag. Be’ nib mo’on ni Akan fithingan e de fol riy, ma aram mri damumuw SOMOL ngak piyu Israel’. (Akan e be’ nib mo’on ni fak Karmi ni be’ nib mo’on ni fak Zabdi, ni be’ ko fare ke girdi’ rok Zerah, ni bang ko fare ganong rok Judah.)

1 Samuel 15:3

Mman ngam og ngak e pi Amalek, ngam kirebnag urngin ban’en ni bay rorad. Dariy ta’ ban’en ni ngam pag; mu thang e pogofan rok urngin e pumo’on, nge ppin, nge bitir, nge bitir ni kab ran, nge garbaw, nge saf, nge kamel, nge dongki.”

1 Samuel 15:6

Me pi’ e thin nge yan ko pi Kenite ni ga’ar, “Mu chuwgad rok e pi Amalek nir nge dab mu’ned ngorad ko yam’. Ya um golgad ngak piyu Israel ko fa ngiyal’nem nra chuwgad u Egypt.” Ma aram me chuw e pi Kenite u fithik’ e pi Amalek.