Joshua 4:24 - Bible Ni Thothup

²⁴ Urngin e girdi’ nu fayleng e bay ra nanged gelngin SOMOL ni bochan e ren’ey, ma bay um tedfan SOMOL ni Got romed ndariy n’umngin nap’an.”

Joshua 4:24 Iomraidhean Croise

1 Kings 8:40

ya re nam ney ni gur e mpi’ ngak pi chitamangirad ni kakrom e gubin ngiyal’ ni ngi i par e girdi’ rom riy ni bay madgum u wun’rad.

1 Kings 8:60

Ya urngin e pi nam nu fayleng ni ngar nanged ni kemus ni SOMOL e ir e Got, ma dakuriy yugu reb nga bang.

2 Kings 19:19

Ere gur SOMOL ni gur e Got romad e ngam ayuwegmad u pa’ yu Assyria, ya nge gubin e nam nu fayleng me nang ni kemus ni gur SOMOL, e Got.”

2 Kings 5:15

Me sul ngak Elisa ni yad e pi’in nra uned ngak me ga’ar, “Chiney e kug nang ndariy yugu reb e got nga bang, ya kemus ni Got nu Israel e bay; ere wenig ngom, mfek e tow’ath rom ni kug pi’.”

1 Kronicles 29:12

Gubin e fel’ rogon nge fla’ab nma yib rom; ga ma gagiyegnag gubin ban’en nga gelngim nge fenam gel; ma rayag rom ni ngam gilnag bugwan be’ ma ga pi’ gelngin.

BABYOR NI JOB 40:9

Mog, ta’reb rogon gelngim ngog? Rayag ni nge dirra’ lungum ni bod gag?

Psalms 106:8

Machane aywegrad, ni bod rogon ni micheg, ni bochan e nge dag feni gel gelngin.

Psalms 89:13

Ri gab gel! Ri ba ga’ gelngim!

Psalms 89:7

Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.

Exodus 14:31

Ra guyed gelngin SOMOL nib gel ni ir e maruwel ngay nib togopluw ngak piyu Egypt, me yib madgun SOMOL u wan’ piyu Israel; mu ur pired nike pagan’rad ngak SOMOL nge tapigpig rok ni aram Moses.

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

Exodus 20:20

Me ga’ar Moses ngak piyu Israel, “Dab mu rusgad; ya kemus ni nge yib Got ni nge sikeng nagmed me tay madgun nga lanin’med, ya nge dab kum denengad.”

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Deuteronomy 28:10

Ma aram e gubin e girdi’ nu fayleng ni yad ra guy nike mel’egmed SOMOL ni ngam manged girdi’en, miyad par ni bay doguwmed u wun’rad.

Deuteronomy 6:2

N’umngin nap’an e yafos romed, ni gimed nge pi’in owchemed e ngu’um pired ni bay madgun SOMOL ni Got romed u wun’med ma gimed be fol u urngin fapi motochiyel rok ni nggu pi’ ngomed, ya nge yag ni n’uw nap’an ni um pired ko fare nam.

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,