Joshua 3:3 - Bible Ni Thothup

³ ngak e girdi’ nu Israel ni lungurad, “Nap’an ni gimed ra guy e pi prist ni yad be mat’eg fare Kahol ko M’ag rok SOMOL ni ir e Got romed, ma aram e ngam degdeggad ngam lekedrad.

Joshua 3:3 Iomraidhean Croise

2 Samuel 6:13

Fapi girdi’ ni kar mat’niged fare Kahol ko M’ag e nap’an ni nga nel’ yay ni kar ruf’ed ayrad, me li’ David ba garbaw nge ba saf nib sugsug nge pi’ ngak SOMOL ni maligach.

2 Samuel 6:3

Miyad fek u tafen Abinadab ni bay u daken e burey miyad tay nga daken ba cart nma girengiy e garbaw ni pumo’on. Mi Uzzah nge Ahio, ni Abinadab e chitamangirow, e ranownag fare cart,

1 Kings 8:3

Nap’an ni mu’ulung urngin e pi tolang, me chibiy e prist fare Kahol ko M’ag

Jeremiah 33:18

ma gubin ngiyal’ ma bay e pi prist ni yib ko ganong rok Levi ni nge pigpig ngog ngi i pi’ e maligach ngog ni mooruf, ni grain, nge ku boch e maligach.”

Numbers 10:33

Fa’ani chuw piyu Israel u Sinai, ni fare burey nib thothup, miyad milekag ni dalip e rran, min m’oneg rorad fare Kahol ko M’ag rok SOMOL ni nge turguy e gin ni ngar n’ufed e Tent rorad riy.

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

Matthew 16:24

Me ga’ar Jesus ngak pi gachalpen, “Fa’anra ba’adag be’ ni nge un ngog, ma thangri pag talin ir, nge fek e kuruth rok nge lekeg.

Matthew 8:19

Me yib be’ ni tamchib ko Motochiyel ngak, me ga’ar, “Tamchib, kug fal’eg rogog ni nggu un ngom ko yungi n’en ni ngam man ngay.”

Deuteronomy 31:25

Fa’ani mu’ ko yol me yog ngak fapi prist ko Levi ni yad e maruwel rorad ni yad ma fek fare Kahol ko M’ag,

Deuteronomy 31:9

Me yoloy Moses e motochiyel rok Got me pi’ ngak fapi prist ni pifak Levi, ni yad e bmil fan fare Kahol ko M’ag rok SOMOL ngorad ni ngu’ur feked nge ngak e pi’in yad be yog e thin rok yu Israel.

Joshua 3:4

Ma aram e bay mu nanged e gin ngam sorgad ngay, ya dawor mu uned ngaray. Machane dab mu chugurgad ko fare Kahol ko M’ag; ngu’um leked ni gonap’an e baley e mayl e bay u thilmed nge fare Kahol.”

Joshua 3:6

Ma aram me ga’ar Joshua ngak fapi prist, “Mat’egned fare Kahol ko M’ag ngam mon’od rok e girdi’!” Miyad rin’ ni bod nike yog.

Joshua 3:8

Mog ngak fapi prist ni yad be fek fare Kahol ko M’ag ni fa’an yad ra taw ko lul’, ma thingar ranod nga maran ngar sak’iygad ko gin ba chugur nga teal e lul’.”

Joshua 4:10

Me par fapi prist ni yad ba sak’iy u lukngun e lul’ ni Jordan nge mada’ ko ngiyal’ ni kan rin’ urngin e tin ni yog SOMOL ngak Joshua ni nge weliy ngak e girdi’ ngar rin’ed. Irera’ e n’en ni yog Moses ni ngan rin’. Me gurnag piyu Israel yad ngar th’abed e lul’ nga baraba’.

Joshua 6:6

Me pining Joshua fapi prist, nge weliy ngorad ni ga’ar, “Mfeked fare Kahol ko M’ag; me yan medlip i gimed nga m’on riy, ni yad be fek e yabul ni gagey ko saf ni pumo’on.”

Revelation 14:4

Yad fapi pumo’on nra ted yad ni yad bmachalbog ndar pired e ppin ma dar uned ko mabgol. Demturug e gin ni be yan fare Fak e Saf ngay ma yad be un ngak; ya kan biyuliyrad u fithik’ e tin ni kabay e girdi’ nu fayleng ma yad e tin som’on e girdi’ nni pi’rad ngak Got nge ngak fare Fak e Saf.

1 Samuel 6:15

Pi Levite e ra feked fare Kahol ko M’ag rok SOMOL ko fare wagon nge fare kahol ni bay fare gol riy ni ya’an e boro’ nge bir, miyad tay nga daken fare war nib ga’. Me urfiy e girdi’ nu Beth Shemesh e gamanman ni maligach ngar pi’ed, ma ku ra pi’ed yugu boch e maligach ngak SOMOL e rofen nem.