Joshua 24:8 - Bible Ni Thothup

⁸ Ma aram mu gu fekmed i yib ko nam rok e pi Amorite, ni yad ma par u ba’ ni ngek e lul’ ni Jordan. Miyad cham ngomed, mu gu gagiyegnag ngam gelgad ngorad. Mi gimed kol e nam rorad, ni gimed be yan nga m’on ma gu be li’rad.

Joshua 24:8 Iomraidhean Croise

Nehemiah 9:22

“Gur e mu pagrad ngar gelgad ngak e pi nam nge pi pilung, ko yungi nam ni yad bmathil. Ra gelgad ko nam nu Heshbon, ni Sihon e pilung riy, nge nam nu Bashan, ni Og e pilung riy.

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Amos 2:10

I gag e gu fakmed e girdi’ rog nga wuru’ yu Egypt, mu gu pow’iymed u daken e ted i yan ni aningeg i ragag e duw, mu gu pi’ ngomed e binaw rok e piyu Amor ni ngam tafned.

Amos 2:9

“Ni yugu aram rogon ni gag e gu li’ e yu Amor ni bochrad, ni bogi pumo’on ni bod feni n’un’uw e gek’iy ni cedar, ma yad bod feni gel e gek’iy ni oak. Go’ gu li’rad ngarm’ad.

Deuteronomy 2:32

Ma aram me yib Sihon nge urngin e pi salthaw rok ni ngar maelgad ngodad u to’oben fare binaw nu Jahaz.

Joshua 13:10

Me yani mus ko mathil nu Ammon ni kub mu’un gubin e binaw ngay ni i gagiyegnag Sihon ni Pilung ko Amorite ni ir e ki i gagiyeg u Heshbon.