Joshua 24:31 - Bible Ni Thothup

³¹ Piyu Israel e ur pigpiggad ngak SOMOL u n’umngin nap’an ni kabfos Joshua, ma nap’an ni yim’ mu ur pired ni yad be pigpig ngak SOMOL u n’umngin nap’an ni kabfos e pi’in yad be yog e thin rok piyu Israel ma yad manang urngin ban’en ni i rin’ SOMOL ni fan ngak piyu Israel.

Joshua 24:31 Iomraidhean Croise

Genesis 14:10

Ma loway nu Siddim e ba sug ko low nike suguy e pich, ma pilung nu Sodom ngu Gomorrah e fa’anra guyew rogon ni ngar milgow ko mael, miyow mul ngalan e pi low nem. Ma dalip ni magey e pilung e ra milgad nga daken e pi burey.

2 Kronicles 24:2

I rin’ e tin nib m’agan’ SOMOL ngay u n’umngin nap’an ni i par Jehoyada ni prist nib fos.

2 Kronicles 34:33

Josiah ni Pilung e gathay gubin e liyos nib sonogor ni immoy u lan tafen e girdi’ nu Israel, ma n’umngin nap’an ni i par nib fos, e i yog ngak e girdi’ ni ngu’ur pigpiggad ngak SOMOL, ni fare Got rok e pi chitamngirad kakrom.

Acts 20:29

Ya gu manang nra gu pagmed me yib e wolf nib damumuw nga fithik’med, ma dab rrunguyed fare ulung i saf.

Deuteronomy 11:2

Nge yib ngan’med e daba’ e n’en ni ka mu filed u raragon SOMOL u daken e tin kammarod u fithik’. I gimed, gathi pifakmed, e ke nang e pin’ey. I gimed e mu guyed feni sorok SOMOL nge feni gel nge feni gel gelngin,

Deuteronomy 11:7

Errogon, gimed e kam guyed urngin e maang’ang nike rin’ SOMOL.

Deuteronomy 31:13

Pi’in ni owchemed ndawor rrung’aged fare motochiyel rok SOMOL ni Got romed e aray kanawo’en miyad rung’ag. Miyad fil rogon ni ngu’ur pired ni bay madgun SOMOL u wun’rad u n’umngin nap’an ni bay ur pired u lan e re nam ni ba’aram ni ngam th’abed e lul’ ni Jordan ngam marod mpired ngay.”

Deuteronomy 31:29

Gu manang ni bay gum’ ma bay i gel e kireb romed ngam n’iged e pin’en ni kug fil ngomed. Ma bayi taw nga bangiyal’ ni bay mmachda’ niged e riya’, ni bochan e ka mu k’arnged e damumuw ngak SOMOL ya ka mu ngongliyed e tin ni yog ndab mu rin’ed.”

Filippi 2:12

Ere pi tafager rog, um moyed ni gubin ngiyal’ ni gimed be fol rog ko ngiyal’ ni ug moy romed, me ere chiney nda kug moy romed e ri ba ga’ fan ni ngam folgad rog. Um ngongolgad ni bay madgun Got u wun’med mu um t’on gad ko marus nge mada’ ko ngiyal’ ni kam marod ngak Got,

Judges 2:10

Miki yim’ ga’ngin e binem e mfen, me bin migid e mfen e ra paged talin SOMOL nge pin’en ni i rin’ ni fan ngak piyu Israel.

Judges 2:6

Me l’oeg Joshua piyu Israel ngranod, ni nge be’ me yan i guy e gin ba’adag e binaw ko fare nam ni nge par riy nike tafnay ni aram e birok e f’oth ko fare nam.

Judges 2:7

I par piyu Israel ni yad be pigpig ngak SOMOL u n’umngin nap’an ni bfos Joshua, ma nap’an ni yim’ Joshua mu ur pired ni yad be pigpig ngak SOMOL u n’umngin nap’an ni bfos e pi’in yad be yog e thin rorad ni yad e ka’arugyed urngin e tin ni i rin’ SOMOL ni fan ngak piyu Israel.