Joshua 24:25 - Bible Ni Thothup

²⁵ Me ngongliy Joshua reb e m’ag ni fan ngak e girdi’ nu Israel e rofen nem, me yog ngorad u rom u Shekem e tin yad ra rin’ nge tin ndab rrin’ed.

Joshua 24:25 Iomraidhean Croise

Genesis 35:4

Ma aram miyad pi’ gubin fapi got rok piyu bang ngak Jakob nge talbuch u telrad, me k’eyag ni urngin nga tan bake gek’iy ni oak ni bay u charen yu Shekem.

2 Kings 11:17

Me yog Jehoyada ni prist ngak Joash ni Pilung nge pi girdi’ ni ngar ngongliyed ba m’ag u thilrad nge SOMOL ni ngar pired ni yad pi girdi’en SOMOL; miki ngongliy ba m’ag u thilin fare pilung nge girdi’.

2 Kronicles 15:12

Miyad ngongliy ba m’ag nike ta’reb lanin’rad ni ngu’ur liyorgad ngak SOMOL ni Got rok e pi chitamngirad, u polo’ i gumircha’rad ngu polo’ i lanin’rad.

2 Kronicles 15:15

Gubin e girdi’ nu Judah nra felfelan’gad ni bochan e ka ra ngongliyed e re m’ag ney u polo’ i gumircha’rad. Ma rib fel’ u wan’rad ni yad ma liyor ngak SOMOL, miyad fel’ u wan’ SOMOL me pi’ e gapas ngorad u gubin yang.

2 Kronicles 23:16

I Jehoyada ni prist nge Joash ni Pilung nge fapi girdi’ e ra chagilgad ngak Jehoyada ngar ngongliyed ba m’ag u thilrad ni ngar pired ni yad e girdi’ rok SOMOL.

2 Kronicles 29:10

“Chiney e ku gu turguy u wun’ug ni nggu ngongliy bm’ag u thildad SOMOL ni Got nu Israel, ya nge yag ni m’ay e damumuw rok ngodad.

Nehemiah 9:38

Bochan urngin e pin’en nike buch romad ma gamad e girdi’ nu Israel e kug yoliyed ba m’ag ni nge par, ma pi’in yad ma yog e thin romad, nge pi Levite romad, nge pi prist romad e kar ted e hang rorad ngay.

Exodus 15:25

Me meybil Moses ngak SOMOL ni be non ngak nri aram rogon u ngorongoren, me fal SOMOL owchen Moses nga ba ley i gek’iy; me fek Moses fare ley i gek’iy nge yin’ nga fithik’ e ran, me thil fare ran nge fel’ lamen. Me pi’ SOMOL e motochiyel ngorad ni ngar folgad riy, mu rom e ki sikeng nagrad riy.

Exodus 24:3

Me yan Moses nge weliy ngak e girdi’ urngin e tin ngan rin’, nge urngin e pi motochiyel rok SOMOL. Me fulweg urngin e girdi’ nta’abyay ni lungurad, “Bay gu rin’ed gubin e tin keyog SOMOL ni nggu rin’ed.”

Deuteronomy 29:1

Irera’ e pi thin nu lan fare m’ag ni yog SOMOL ngak Moses ni nge ngongliy u thilin Got nge girdi’ nu Israel u lan fare nam nu Moab; ngan puthuy gubin e tiney ko fare m’ag ni ngongliy SOMOL u thilrad u daken fare Burey ni Sinai.

Joshua 24:1

Me ulunguy Joshua urngin e ganong nu Israel nga Shekem. Me non ngak e pi’in pi’lal, nge pi’in yad ma yog e thin rok piyu Israel, nge pi tayugang’, nge pi tolang rok piyu Israel, miyad yib nga p’eowchen Got.

Joshua 24:26

Me yoloy Joshua e pi motochiyel nem ngalan fare babyor ko motochiyel rok Got. Me fek ba malang nib ga’ nge tay nga tan fare ke gek’iy ni oak u bang nib tabgul ni fan ngak SOMOL.