Joshua 24:14 - Bible Ni Thothup

¹⁴ Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.

Joshua 24:14 Iomraidhean Croise

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Genesis 35:2

Ere yog Jakob ngak chon e tabinaw rok nge urngin e girdi’ ni yad be par rok ni ga’ar, “Ngam n’iged e tin be’er e got rok piyu bang ni bay romed; ngam machalbog niged gimed migmed yin’ e mad nib be’ech.

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

Ezra 9:11

u daken e pi tapigpig rom, ni bogi profet. Rogned ngomad ni fare nam ni nggu pired riy e ba nam nib alit ni bochan e pi girdi’ ni urpired riy e ka ra suguyed fare nam u baley nge mada’ nga baley ko pi ngongol rorad nib sonogor mab alit.

BABYOR NI JOB 1:1

Immoy be’ nib mo’on ni Job fithingan, ni i par ko nam nu Uz. I par ni be liyor ngak Got ma ba yul’yul’ ngak. I par ni ir be’ nib manigil ma be ayuw ni nge dabi rin’ ban’en nib kireb.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Psalms 111:10

Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

Psalms 119:1

Nge felan’ e pi’in yad ma par ndariy thibngirad, ni pi’in yad ma fol ko motochiyel rok SOMOL.

Psalms 119:80

Mang e yigi fel’ rogon ni ngu’ug fol ko pi motochiyel rom ya nge dab gu tamra’ ko me’waer rog.

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Psalms 81:10

I gag e SOMOL ni Got romed, ni gu chuwegmed u lan yu Egypt. Mu faled langmed’, mu gu durwi’iymed.

Ezekiel 20:18

Ere mu gu ta’chiylen ngak pifakrad ni dab ra uned nga ngonglen e pi gallabthir rorad ara rfalwokgad ko pi kanawo’ rorad ni kireb ara ur ted fan e pi liyos rorad.

Ezekiel 23:3

Nap’an ni kayow bitir, ni yow ma par u lan yu Egypt, miyow par nga gil’ e pumo’on, ma aram miyow mang l’agruw ni’ ni yow ma falchuway’ ngorow.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Levitikus 17:7

Fapi girdi’ nu Israel e thingar yul’yul’gad ngak SOMOL ya nga dab kur li’ed e gamanman u lan e yung i tafelfel’ ni nge mang maligach ko fare kaming ni mo’oniyan’. Girdi’ nu Israel e thingar ra folgad pi gafal ney e chiney i yan ngaram.

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Luke 8:15

Ma awoch ni wear nga daken e but’ nib yong’ol e be yip’ fan e pi’in nrung’aged e thin rok Got miyad tay u lanin’rad ngu’ur folgad riy me par rorad nge yib wom’engirad.”

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

Efesus 6:24

I Got e ngi i ayuweg urngin e pi’in nib t’uf rorad e Somol rodad i Jesus Kristus, ma rogon nib t’uf rorad e nge dabi math bi’id.

Deuteronomy 10:12

“Gimed e girdi’ nu Israel, mang e ba’adag SOMOL ni Got romed? I SOMOL e ba’adag ni ngam liyorgad ngak mi gimed falwok rok, me t’uf romed mi gimed pigpig ngak u polo’ i gumircha’med ngu lanin’med,

Deuteronomy 18:13

Ngu’um pired ni gimed ba yul’yul’ ngak SOMOL.”

Deuteronomy 6:13

Kemus ni SOMOL ni Got romed e ngu’um pired ni bay madgun u wun’med; kemus ni ir e ngu’um liyorgad ngak, ma kemus ni go’ fithingan e ngam mowgad ngay.

Filippi 1:10

nge yag ni ngam mel’eged e tin ni ir e ba th’abi fel’. Me yag ni um pired ni kam gilafgad nga orel ko urngin mit e kireb nge n’en ni yira yog e tagan riy ngomed ko Chirofen nra sul Kristus riy.

Joshua 24:2

Me ga’ar Joshua ngak urngin e girdi’, “Ba’aray e n’en ni nge yog SOMOL, ni Got rok piyu Israel ‘Kakrom e i par pi chitamangimed u ba’nem fare lul’ ni Eufrates, ngu’ur ted fan yugu boch e got. Bagayad e pi ga’ kakrom e Terah, ni chitamngin Abraham nge Nahor.

Joshua 24:23

Me ga’ar, “Ere mu n’iged e pi got nu boch e nam ni bay romed, mi gimed yog ni ngu’um pired ni gimed ba yul’yul’ ngak SOMOL, ni ir e Got nu Israel.”

1 Samuel 12:14

Ra um pired ni bfel’ rogomed ni fa’anra i par ni SOMOL ni Got romed e ir e bm’on u wan’med, ma gimed be pigpig rok, mi gimed be motoyil ngak, ma gimed be fol rok, mi gimed par nge pilung romed ni gimed be folwok rok.

1 Samuel 12:24

Um pired ni bay madgun SOMOL u wun’med mu um rin’ed e tin ba m’agan’ ngay u polo’ i lanin’med ngu fithik’ e yul’yul’. Um leam niged fapi maang’ang nike rin’ ni fan ngomed.

1 Samuel 7:3

Me ga’ar Samuel ngak e girdi’ nu Israel, “Fa’an gimed ra sul ngak SOMOL u polo’ i lanin’med, ma thingar mu paged gubin e pi got rok yug boch e nam nge fapi liyos ni ya’an fare got ni Astarte fithingan. Mpi’ed gimed nib polo’ ngak SOMOL me par ni go ir e gimed be liyor ngak, ma aram e ra chuwegmed u tan pa’ e pi Filistine.”